UNAM Engineering eya kangele muudhano waMedipark 2016

0
126

 

ONGWEDIVA-Osipana yoEngineering ndjoka ya li ya zi konima noku pitilila Medipark ngoka a kala ta pangele oliha ndjika okuza kesiku lyotango oyo enyakwa lyuudhano mbuka ye shi ningi kuna olweetho lwumwe opo oliha ndjika yi ye pehuulilo.

Osipana ya Medipark oya li ya lu nondende kominute dha hugunina konima sho ya li ya tu lilapo oosipana oonkwawo omwaka gwiitsa ihamano okuya pehulilo lyo liha ndjika  kuna ashike omaudhano gane oliha yi thike pehuulilo.

UNAM ota ka toolapo okapandi ko N$ 4 000, omanga Medipark ngoka eli ti ikokota komayego ta ka toolapo N$ 2000, ye Old Mutual ta ka hekelekwa no N$ 1000.

Kehe osipana ota yi ka pewa oombandi dhili 20 okuza kosipana yotango sigo ontitatu.

Oliha ndjika oya li ya kwashilipalekwa koMedipark na oya li yatameke nuumvo mu March.

“Ewiliko lyoliha ndjika olya hala okupandula omahangano ngoka ga li ga kutha ombinga muudhano mbuka nokugandja oshinge koliha yetu ndjoka ya li ya zi miipakete lwotango uudhano wetu oa li wa ende nawa lela, na owa li wa eta enyanyu pokati kaadhani”, Olalekan Ajani ta ti.

Ajani ngoika eli omunashipundi gwoliha ndjika okwa li wo a holola kutya oliha ndjika ota yi ka tsikila momvula ta yi ya na oya hala oku gwedhamo oosipana mbali.

Okwa ti oosipana ndhoka dha li dha kutha ombinga muudhano mbuka ota dhi ka kala notonamende yepato lyoliha ehuliloshiwike ndika.

Onkene ota indile aantu yomomudhingoloko opo ya ka holoke pokapale kopUukwangula opo ye ye yi inyanyudhe.

 

LEAVE A REPLY

Please enter your comment!
Please enter your name here