Ya lukilwa oongulu dhoskola

0
266
Yamwe yomwaamboka ya lukilwa oongulunongelo penongelo Onyaanya Primary ya thikama taya popithathana pethimbo yi ile ya zaleke oombushe oonguwo.Ethano: Maria Namupala.

 

ONYAANYA –Aalongwa, aavali osho wo aalongi posikola yopevi yaNyaanya Etitano lya ziko oya li ya talelwa po koombushe yoongulu posikola mpoka. Osikola ndjoka oyili moshikandjolongo Onyaanya.

Etitano olyali esiku lyowina nolyo pa ndjokonona sho mboka ya lukilwa omatungo posikola mpoka yali ye ya okukwata oombushe. Oshituthi shika shekwato lyoombushe oshali sha ningwa nelalakano oku kwatha osikola ndjoka nokuyi yambidhidha yi vule oku kala ya thikama kuyo yene.

Osikola oya totwapo moomvulwa dhonale nopwa nongekwa aanamadhina ngaashi tatekulu Nahas Angula, Tommy Nambahu, Henock Kankoshi na yalwe oyendji. Aalongwa posikola mpoka oya kala haya longelwa moongulu dha kulupa , nomumvo gwaziko opwali pwa tungwa oongulu oompe mono tamu kala tamu longelwa aanona mboka.

Onyaanya Primary ndjoka ya tameka poshikunino sigo ondondo onti-7 oyina aalongi  15, aalongwa 463. Osikola oya longa woo omwaalu gwaanashilonga yomaithano ogendji. Osikola oyeshi pondola moku pititha nawa moosikola ndhoka dhoondondo dhopevi, naaluhe ohayi mono ekopi molwa ilonga pondoli. Oya mona woo epapa moompata dhopashigwana muule woomvula ndatu dha piti.

Omukuluntuskola penongelo ndika Timoteus Kamati okwa li a tothamo gamwe gomomashongo ngoka osikola ya taalela. “Osikola yetu oya konekiwa yina omwaalu gwoothigwa guli pombanda, yi na ompumbwe yiikwathitholongo na yilwe woo, otwa li twa tokola opo tu lukile aantu yopomudhingoloko oongulu dhoskola, oyendji oyali yu uvathana opo ya tsakanene yo ya yambidhidhe nokukwata oombushe pamukalo gwa yooloka,” Kamati ta ti.

Oombushe mboka ya lukilwa oongulu dhoskola oyeli lwopo 30 lwaampoka, yo ayehe oyali ya holoka kekwato lyoombushe. Esiku ndyoka osikola ndjoka oyali ya pewa omagano ogendji koombushe oshoka kehe ngoka a lukilwa etungo mpoka okwali a etelela mbushe omagano unene giikwathitholongo.

Opwa li pwa gongelwa oshimaliwa shi thike pomayovi N$31 000, omanga mbyoka yali ya uvanekwa esiku ndyoka tayi ihilile pooN$9 000. Oombushe oya holola eitulomo lyawo enene na yamwe taya uvaneke taya kala taya gandja omakwatho nomayambidhidho, yo ya opaleke osikola yi kale yili pamuthika golela , lyo elongo li pule komeho.

Aavali, aalongi naalongwa oyali ya taambako omagano ngoka noondigolo osho wo nenyanyu, oyali ya pandula omolwa omakwatho ngoka ya pewa, naalongi oya uvaneke taya tsikile neitulemo enene okugandja elongo komunona omuNamibia ngaashi haye shi ningi shito.

 

namesake2 namesake1 namesake

LEAVE A REPLY

Please enter your comment!
Please enter your name here