Aanonoa mOlumpelengwa otaya nu otombo

0
348

KuLoide Jason

OLUMPELENGWA-Yamwe yomaakalimo yomoshitopolwa shaKahao momukunda gwedhina Olumpelengwa oyeli ya limbililwa konkalo yuunona mboka tawu nu otombo wuli moondalaha konima ashike yosikola.

Aavali mboka ya eta omanyenyeto kuKundana oyati shika osha shololitha aanona mbaka yakale itaya yi we kosikola oshoka ohaya hulile poondingosho mpoka aavali yena uunduna.

Kundana okwali a talele po omukunda nguka moshiwike sha ziko metine moka woo ali a tsakaneke uunona wuli mondjila wwuumbata uundini wotombo konima sho osikola ya pitimo opo ya kanwe kegumbo.

“Ngashingeyi omwaalu guununa mboka hawu yi kosikola ogu vulike kuunona mboka tawu yi kuundingosho,” omuvali gumwe ati ngaaka ihe ina hala edhina lye litumbulwe.

Okwa tsikileko wo kutya nganshingeyi Osikola yedhina Olumpelengwa Junior Primary school oyina ashike aanona yeli omulongo 15 oshoka aanona inaya hala okuya kosikola.
Shika osha kolekwa wo komukuluntusikola gwedhina Eposhe Jeseya ngoka tati kutya posikola ye opuna ashike aanona yeli omulongo 15 na shika otashi ye mateke unene ngele owa mono  uunona wuli poondingosho omanga kosikola ka kuna aantu.

Okwati ngashingeyi aanona mbaka ngele ya mono omukuluntusikola eya puundingosho nena ohaya lombwelwa ya fadhuke po nege ya ka holame opo ya adhengwe.

“Uunona ngashingeyi ngele we kumono nande wayi puundingosho nena otawu fadhuka po ihe kushi kutya elalakano olya shike,” Jesaya ati ngaaka.

Omukuluntusikola okwati ihe okinda ndjoka ya totwa po oyina uunona wuli omulongo 16 wuvule uunona mboka wuli mondondo onti yotango, ontiyali nontitatu.

Mondondo yotango omuna aanona yeli yahamano, ondondo ontiyali muna aanona yane nontitatu nayo wo oyina uunona une.

Okwati shika otashi shunitha monima aalongi mboka yena ohokwe yuunona nokulonga.

 

LEAVE A REPLY

Please enter your comment!
Please enter your name here