Kansela ota pititha “Shiketako”

0
226

 

Omuimbi gwoongalo dhopamuthigululwakalo gwAawambo, Simon “Kansela” Uukule okwa tseyitha ta ka pititha oalubuma ye yedhina Shiketako oshiwike tashiya. Pinehas Nakaziko ota kundaneke.

Omuimbi nguka okwa ningi konyala uule woomvula ne ta nyola ye ta kwatitha omaimbilo ge pu yimwe yomositudio dho mOshilandopangelo, nopethimbo ndika omalongekidho gokukwata oongalo ndhoka noku dhi ninga oalubuma olya pwa.

Etseyitho ndika olyo onkundana ombwaanawa oshoka oyendji oya kala noku pula kutya oalubuma yaKansela  otayi piti uunake, sha landula omaimbilo ge ngoka gakoonwa nawa ga kala noku dhana onkandangala kooRadio dhomoshilongo ngaashi yoEnergy 100 FM nOmulunga, uule woomvula mbali dha piti.

Kansela okwa tseyika nawa koyendji nokangalo ke dhingi hoka ali a imbi tango, kedhina “Omahini” no ka kala noku inyenga nawa kooradio ndhika.

Kansela okwa li ishewe a pititha uungalo we uyali wedhina “Oshitenya naTumangulula” omasiku hamale ga piti po, mboka wali  walilithwa noku dhanwa unene monooli yoshilongo, osho wo muumbesa nomoohauto dhopaumwene.

Ngashingeyi Kansela okwa ti ye okwa vulwa oku kala ta pulwa kaaholi yoongalo dhe kutya oalubuma ye otayi holoka uunake, nokwa tokola opo eya notheleko kashona kutya okuna ashike omasiku omashona yi pite, ye okwa kwatelamo omusholondondo gwoongalo dha dhoga nawa, mwa kwatelwa oompe noonkulu.

Moalubuma ndjika Kansela okwa imba mo ishewe uungalo wumwe  wopambepo, wanuninwa Osoondaha, naantu opo ya itedhulule.  Kansela okwa ti okwa luku oalubuma ye Shiketako, molwa shoka oongalo odhindji dhili moalubuma muka oha dhi ndaaniswa ashike, no ita dhi ka thiga nando omuntu omutumba.

Ota ti ne omuna ongalo ndjoka Shiketako yalukilwa oalubuma tayi etitha oonkondo, noka puna ngoka ta ka kala a hala oku kala ineeyi pulakena. Ongalo onkwawo oondjoka yedhina Aantu yandje, moka ta ti ye okwa hala okulonga opo a kwathele aantu ye.

Kakele ashike kwaamboka, otamu adhika ishewe uungalo ngaashi Oshitenya, ke na etumwalaka tali ndungike aanyasha yo paife opo ya kale ya londoka nokutseya oohedhi dhomuthigululwakalo gwOshiwambo, omanga Tumangulula oko keli thimba yi na ongodhi mwaambuka uupe, ke na omukwelengendjo gwoshiketala ta gwiinyenge nawa.

Nonando ongawo, Kansela okwa ti ye ota pula natango komeho,no ita ka shuna nando ompadhi monima.

Kansela ngoka ishewe eli metifa lyoku thaaneka okavidio kongalo Tumangulula, okwa ti shika osho oshikando shotango aaNamibia ta ya ka mona oongalo ndhoka dhomithigululwakalo dha dhenga mbanda.

Omuimbi nguka oha kwatele omaimbilo ge kositudio yoNdilimani, nomomaimbilo okwa kwathelwa kaahikingalo mbaka, mwakwatelwa ishewe Omsaane Niihana.

 

 

 

LEAVE A REPLY

Please enter your comment!
Please enter your name here