Okanona kasi sho kanu ombike

0
321

 

EENGODI – Opolisi moshitopolwa shaShikoto oya koleke eso lyomunona gwomimvo heyali. Omunona otaku hokololwa a si konima yoku nwa anuwa ombike ndjoka ya li ya thigwa puuyelele megumbo lyaakuluntu ye.

Oshiningwanima shika osha ningilwa momukanda Engodi da Natuwe Olyomakaya ya yi.

Uuyelele mboka wa gandjwa kopolisisi Tomas Petrus okwa ali a thigwa megumbo kaakuluntu ye Olyomakaya ndjoka, nokwali ihe anu ombike ndjoka ya fala sigo omeso lye.

Aakuluntu oya li ya thigi ombike yili mekende puuyelele na Petrus sho i itsu ekende ndyoka okwa li anu nokwa hulithile owala mpoka.

Otaku hokololwa kutya aavali sho ya ka galuka oya adha okamwana hoka ka hulitha nale, nekende lyombike lili ontega nako, shono sha gandja uuyelele kutya okanona oka nu ombike etaka hulitha owala ngaaka.

Moshiningwanima oshikwawo opolisi mOshikoto oya lopota ya kwatapo aalumentu yatatu Olyomakaya ga ziko momudhingoloko gwaTsintsabis omolwa ekwatonkonga. Omukwatakanithi konaakoni gwiimbuluma nokuli Kommisiona gopevi moshitopolwa shaShikoto Naomi Katjiua okwa koleke oshiningwanima shika .

Katjiua tati aalumentu yatatu yopokati komimvo 20-21, oya kwata oonkonga omukiintu gwoomvula 22, sha ningwa Olyomakaya lopotundi onti-22h00, noya  kwatwa lwanima, Noyeli miikaya yomiya dhashinana ya tegelela okuningilwa omapulapulo, yo ya pewe egeelo lyawo ndyoka yi  ilongela.

Natango opolisi mOshikoto oya lopota omukiintu goomvula 21 a kwatwa onkonga kokamatyona koomvula 15, hono keli mondondo onti-6 poskola yopevi  yaKuvukiland, oshiningwanima shika osha ningwa lopootundi dhongula onene lwaampoka sha ningilwa polukanda lwaNomtsoub moTsumeb.

Kamatyona ngoka a kwata onkonga ina mangwapo natango, nomakonakono gopolisi miiningwanima ayihe mbika yopatatu otaga tsikile, ko ku kale kwa ningwa omakonakono gomuule ku monike uuyelele mboka wa pumbiwa.

 

 

LEAVE A REPLY

Please enter your comment!
Please enter your name here