Ootakisi mOmbaye dha ningi ondilo

0
223

 

Moshinima iinashi longwa nando onale kootakisi dhomiilando, iiyenditho mbika mOmbaye oya tokola okufutitha iilandomwa yaa faalelwa kombanda yofuto ndjoka omufaalelwa ye mwene ena okufuta opo a faalelwe mpoka tayi.

Oshitayi shehangano lyooBesa nootakisi  mOmbaye osha ningi etokolo ndika noku li tula miilonga oshiwike shayi, sho omufaalelwa kehe ta futu ooN$5.00 mokashako kookilo 12,5 kuusila wepungu , osuuka , uusila nenge tuu hoka kiihakautu

Oshikwawo omufaalelwa ota vulu okufutithwa sigo ooN$10 shi ikwatelela kondjundo  yiilandomwa mbyoka a landa ngele ndjoka oyili pokati kookilo 10  sigo omilongo 25, ofuto ndjika otayi futithwa wo nu una omulandi a humbata oshipakete shoohi.

Iifuta mbika oya gwedhwa kombanda yaambyoka yoodola 10  mbyoka oyo iipe nenge yoodola omilongo mbali kwaamboka ya hala okufalwa pomagumbo nenge mboka taya falwa komahala hoka kwaana omahala gokulondekela noku helulila aafaalelwa.

Oofuto dhotakisi mOmbaye odha londo okuza poodola 9 okuya poodola 10,omanga aafaalelwa mboka taya yi komahala gaana ootakisirenga mbaka otaya futu oodola omilongo mbali okuza poodola 18.

Oofuto ndhika oompe odhu uvitha aafaalelwa nayi . Mbaka oyu uvite kutya oshinima shika osho okuya thipa ombinzi unene tuu okushi talela monkalo yomahupilo pethimbo ndika.

“ Egwedhelo lyoodola mbali kofuto yotakisi yoshito olili nawa ndele okufutitha omufaalelwa niilandomwa ye oshaya unene kokule osho omukalimo gomOmbaye Tostao Haimbili a ti.

Ihe Nabta okwa yamukula a ti oofuto odha ndjekwapo naanaa omolwonkalo yomahupilo .

“ Oondando dhomahooli odha yi pombanda kehe omumvo nolwahugunina Nabta a ningile egwedhelo lyoofuto omomvo 2014. Tse inatu kala nando tatu nyenyeta” Nabta a ti pahapu dhomukalelipo gwe Joseph Nanzimbogo ngoka a ti ka shi shi oshili kutya Nabta ota thipi aafaalewa ombinzi..Okwa ti iifuta mbika oya gwedhelwa konima yoonkundathana naaahingi yootakisi mboka ya mono kutya oshoopala oku shi ninga.

Akaalimo yomOmbaye itaya tsu kumwe nasho na otaya pula kutya shika osha ende ngiini kutya oondando ndhoka odha holokapo ngiini osho omunapenzela Martha Nampala  ngoka uuvite kutya oondando ndhika kadhili nawa a pula, unene tuu sho ye pamwe naantu mboka yena uulema oyo unene haya longitha ootakisi okuya koshilando.

‘ Oshili egwedhelo ndika olina okukundathanwa nelelo lya muni gwaMbaye moka omo hamu longele aahingi mbaka”

Imbili oku uvite kutya ootakisi dhomOmbaye itadhi vulu okuyelekwa naandhoka dhokoVenduka .Okwa ti ishewe ondando yomahooli ndjono tayi popiwa kaahingi nokooyene yootakisi itayi vulu oku uvikako  oshoka ondando yomahooli mOmbaye oyili lela pevi noonkondo.

Aafalelwa yamwe oya nyenyeta oshoka sho ya pulwa ya fute oondando oompe oya li ya tindi okushininga molwashoka shika kasha li sha tseyithwa nawa.

LEAVE A REPLY

Please enter your comment!
Please enter your name here