Otonamende yOmuntele omu Desemba

0
251

 

Aakalimo yo mOmuntele nopomikunda dho popepi otaya ilongekidhile esiku lyawo enene lyo tonamenda yuudhano wetanga lyokoompadhi naamboka wetanga lyomokambamba.

Pehulilo lyuudhano mbuka otapu ka tseyithwa osho wo ota pa ka ulikwa omukadhona dhingi mokati kaakadhona yomOmuntele.

Uudhano mbuka pamwe nethigathano lyomukadhona kaakunawe otawu kalako okuza momasiku 20-22 Desemba nuumvo pokapale kuudhano pOmuntele omanga ethigathano lyomukadhona dhingi tali ningilwa moshinyanga shiigongi shoshigwana pegongalo olyo tuu ndyoka.

Shika otashi ka kala oshikando shotango moshikandjohogololo muka tamu ningwa ethigathano ndika, no tali ka patululwa pambelewa kuKansela gwAmuntele, Sakeus Nangula.

Oshituthi shika oshali sha longekidhwa noku etwapo kehangano lyo N2014 Investments CC, melongelo kumwe nehangano lyokukonda iizalomwa lyedhina Maila Kouture

Esiku lyethigathano lyomukadhona dhingi otapu ka ulikwa omanzuna geli 10 ta ga ka kondjela oshikoloni shika, moka omusindani ta ka sindana oshindji na ota ka kala oye oshipala shuudhano mbuka.

Aalongekidhi yoshituthi shika otaya ti mboka ya hala oku ka kutha ombinga methiganto ndika lyuudhano, auhe wetanga lyokoompadhi nolyo koonyala, omaishangitho ogeli nale metifa.

“Tse aalongekidhi yoshiindingili shika, otwa tegelela oshituthi shi kakale sha enda nawa, notwa hala aanyasha oyo ya kale oyendji yo ya holoke yi itunge,” Gumwe gomaalongekidhi yoshituthi nuudhano, Juuso Kadhila ta ti ngaaka.

DJ King-Jay-Ce oye taka kala a kwatela oshiindingili  ashihe komeho, okuza kotonamenda sigo okeuliko lyokakadhona dhingi.

Esiku lyokakadhona dhingi ota pu ka kala aahikingalo mboka taya ka ulika uunongo wawo ngaashi Jay R, Dama Monique, Sedjo Mind, Allex&Shyer na King-Jyce. Maila Kouture naVeiko Shidolo oyo taya kala taya kwatele oshiindingili shika komeho.

LEAVE A REPLY

Please enter your comment!
Please enter your name here