Sally a sindana ekopi moAFRIMA

0
182

 

Ondjodhi ya ninga yoshili komuhikingalo omukiintu omuNamibia, Sally Keya, a tseyika moongalo nedhina Sally nenge Boss Madam, sho  a sindana po limwe lyo momakopi gaahikingalo dhingi menenevi  Africa (AFRIMA), onga oye omuhikingalo omukiintu dhingi muumbugantu wAfrika.

Pinehas Nakaziko ota kundaneke konima yoonkundathana dhe na BossMadam

Egandjo lyomakopi ndika olya ningilwa moLagos, Nigeria, Osoondaha ya piti. “Oku sindana ekopi ndika oshinima oshinene ku ngame. Shika ota shi ulike kutya ngashingeyi Namibia okwa thikama ponkantu ombwaanawa unene ngele tashiya poongalo dhopombanda pondje yoshilongo,” Sally ta ti ngaaka.

“Natango ondi uvite ashike ndafa te yaguma. Ondi uvite uuntsa nuunambano, naashika kandina esiku tandi ke shi dhimbwa,” Sally ta popi ngaaka nenyanyu.

Mongundu ndjika Sally okwa li ta kondjithathana naahikingalo mboka ya pyokoka ngaashi Lira omuSouth Africa’s nokangalo ke ‘Let there be light’, Lizha James okuza moMozambique nongalo ye‘Chocolate’, Pah Chihera okuza moZimbabwe nongalo ye‘Nemoyo’, Zahara okuza moSouth Africa nongalo ye ‘Imali’ osho woo Zonke okuza moSouth Africa nongalo ‘Reach’.

Sally okwa sindana nokangalo ke hoka Natural, ali  eka pititha pamwe nokavidio kako omasiku omashona ga piti.

“Petameko kandali ndishi ngele ote mono nando okampito okashona ko kusindana, oshoka kashishi oshipu oku kondjela ekopi pamwe naahikingalo mboka aanamadhina. Nando oshili osha popiwa, okangalo Natural oka ningi omasiku ta ka inyenge nawa meni nopondje yoshilongo, unene tuu koTrace, MTV Base noTV yaMozambique,” Sally ta popi ngaaka ishewe.

Ngashingeyi Sally ota longo nuudhiginini okutseyitha okangalo ke hoka okape kedhina Bim Bim, eka imba pamwe nomuhikingalo omukiintu omuSouth Africa Busiswa, nota dhana nale ko You Tube.

 

LEAVE A REPLY

Please enter your comment!
Please enter your name here