Trump a sindana shikumitha

0
202

Donald Trump oshiwike shika okwa sindana omahogololo gopaupresidende moAmerica.

Iizemo mbyoka tayi kumithat mondjokonona yaUSA, otayi ulike kutya Trump ngoka ali ta ulike afa inaapumbiwa naanaa kaakwashigwana ye nokuuyuni, okwa sindi Hillary Clinton ngoka ali ta monika andola oye ena aayambidhidhi oyendji.

“Otandi uvanekele kehe omukwashigwana gwoshilongo shika kutya otandi ka kala omupresidende gwaAmerica ayehe. Mboka mwali ina mu yambidhidha ndje monakuziwa, otandi kala aluhe nokuya kune okupula ekwatho opo tu taleni kutya otatu kaleke ni ngiini uukumwe moshilongo shetu,” Trump osho a lombwele iikundaneki sho a gandja oshipopiwa she shesindano.

Trump ngoka a tseyika nawa molwa oprograma ye koTv yedhina The Apprentice, okwa kala a holola ehalo lye okuya koshipundi shuupresidende waAmerica momvula yo2012 ashike okwa ninguluka no ina kondjithathana we naangoka eli ngashingeyi omupresidende goshilongo oshinankondo Barak Obama.

Trump ngoka taka ninga omupresidende omuti 45 gwaAmerica okwa tegelelwa aka ganithilwe moshipundi shuupresidente mbala mu Januali 2017 ngaashi hashi ningwa pamulandu gwAmerika.

LEAVE A REPLY

Please enter your comment!
Please enter your name here