Amwele a kwatele komeho oshikonga shokuopaleka Ondangwa

0
227

ONDANGWA – Meya gwOndangwa okwa kumike aayenda mondoolopa ya Ndangwa osho wo ayehe mboka taya talelepo ondoolopa ndjika yaa ekelehi iiyaga shaampoka.

Paavo Amwele okwa ningi eindilo ndika oshiwike shapiti pethimbo lyoshikonga oshitiheyali shoku opaleka oshilando shoka.

Omuwiliki gwelelo lyOndangwa okwa ti pehala lyoku ekelahi iiyaga shaampoka omuntu kehe okwa pumbwa okuyi umbila mondoloma yii yagaya ndhoka tadhi monika omahala nomahala mondoolopa ndjoka

Eopaleko mOndangwa olya li lya ningwa oshiwike shayi momahala agehe gomOndangwa.

Shika osha ningwa konima sho aakalimo mondoolopa yali ya pewa elombwelo opo ya opaleke omidhingoloko dhawo, yo ya kwashilipaleke kutya ondoolopa oya yela, opo yi hile aatalelipo oyendji.

Oshikonga shika osho oshitiheyali nuumvo, konima sho Meya gondoolopa ali a uvaneke kutya otaka gandja po  oshipambu shimwe shoshimaliwa shoka ha pewa  molwiilonga ye yuu meya okukwatha mokwoopaleka ondoolopa.

Oongundu dha yooloka momalukanda ngoka ga dhingoloka Ondangwa, odha li dha kutha ombinga meyopaleko ndika. Etitano olyali esiku lyokugandja omapole, omapapa nolupandu komalukanda ngoka ga opaleka nawa. Aanambelewa yelelo lyondoolopa oyali ya talelepo omahala ngoka ga opalekwa opo ya tothemo ndyoka lya opalekeka nawa.
Olukanda Uupopo olwo lwali wa tothwamo lwopaleka nawa , nolwali lwa pewa ekopi nokaVoucher. Meya gondoolopa yaNdangwa Paavo Amwele pethimbo ta gandja omapapa ngoka okwa pandula aakalimo yomondoolopa sho ya ulike eitulemo lyawo noya opaleke palombwelo lyelelelo lyondoolopa.

Mayola gondoolopa okwali a thamuna kutya yo otaya lalakanene uuyogoki mondoolopa ayihe, noya hala aatalelipo ayehe taya ende mondoolopa ya kale yu uvite etumba noya nyanyukwa sho ya tala ondoolopa ya yela.

Oshikonga shika shokwoopaleka oshali sha kwashilipalekwa ko Olthaver & List Groups, Huhu City, Bank Windhoek nomahangano galwe ogendji. Amwele okwa pandula aanangeshefa yomomudhingoloko mboka ya holola eitulemo lyawo, yo yamwe oya gandja shoka yena oku kwathela miikonga mbyoka yokwoopaleka.

Iikondo ya yooloka oyali ya kutha ombinga nelalakano alihe olyo owala uuyogoki, oosikola ndhoka dhili mondoolopa odhali dha opaleke nodha pewa omapandulo gadho ngaashi dhe shi ilongela. Oshikonga shika osha ningwa kohi yoshipalanyolo “Omudhingoloko gwandje, etumba lyandje”.

Mayola ta gwedhapo kutya oku uvite etumba omolwa eitulemo lyaakwashigwana miikonga ayihe nkene elelo lyondoolopa lyali lya tokola opo li tameke niikonga mbika. Ta ti otaya kala taya unganeke iikonga yokwoopaleka , yo ya kwashilipaleke kutya ondoolopa yaNdangwa oya yela no tayi hokitha.

cleanliness1

LEAVE A REPLY

Please enter your comment!
Please enter your name here