Ann Singer ota ka imba oshali koBoiler Room

0
175

 

Omuimbi omukiintu ngoka eholike moshilongo gwedhina Annastasia Linus, a tseyika nawa Ann Singer, ota ka ulika uunongo we noku nyanyudha engathithi lyaamboka taya ka holoka  pethimbo   ta ka imba mo Boiler Room, koWarehouse Theatre Etitatu twa taalela.

Shika osho tashi ka kala oshikando shotango Ann Singer ta ka imba pehala ndika no kwati okwa nyanyukwa noonkondo oku ulika uunongo we komeho gaaholi yoongalo dhe.

Ann Singer ota ti ye ota ka imba uungalo wa adha po 15, moka ta ka kwatelamo Bulletproof, Diminengepo na Omasanga naamboka a ningulula waahikingalo ooyakwawo, unene mboka yopondje yoshilongo.

“Oyendji oya kala ya hala nale nda mwenyeka pehala olyo tuu ndika, nondiwete kutya ayihe otayi ke enda nawa nakehe gumwe okwa hiwa opo eye i inyanyudhe,” Ann Singer ta ti ngaaka nenyanyu. Okwa gwedha po ta ti, emwenyeko ndika otali ka kala lyoshali, nakehe ngoka ehole oku tala Ann Singer sho ti imbi kostage opo a ka kale a holoka.

Ann Singer okwa tseyika nawa sho ali apititha oalubuma ye ndjoka ombwaanawa yotango omvula yaziko, yedhina Bulletproof, noyali yemu petha omakopi ga adha pu gane, pethimbo lyoshituthi shegandjo lyomakopi kaahikingalo dhingi moNamibia (NAMAs).

Ann Singer okwa li asindana onga oye omuhikingalo dhingi omushona, omuhikingalo ngoka ena oalubuma dhingi moshilongo, omuhikingalo dhingi moku imba oongalo dho RnB, naangoka ha imbi oongalo dhingi dho Afro Pop omvula ndjika. Oshiindingili shika ota shi ka tameka po 19h00 sigo opo 21h00 kongulohi

.

LEAVE A REPLY

Please enter your comment!
Please enter your name here