Antanga okwa hala a shiivike

0
143

Lüderitz –Teofilus Antanga ota ti okuna shihapu a hala okuyandja moshiwana, ashike okwa pumbwa eyambidido.

Omunamido 42 odalele yomOnuusila mOshitayi, ashivika nedina laye lomeengalo HPPM(Marico), okuna edilaadilo  opo apitife okangalo kaye kotete, kuyele modula oyo twa finda.

Antanga okuli omushikingalo kodoolopa yokomunghulofuta o Lüderitz. Ota tumbula kutya modoolopa ya Lüderitz okweyamo modula 1999. Okwa hovela oku shika eengalo modula 2010, haimbi eengalo do Shambo, no Singula.

Okwa fatulula omatumwalaka amwe po oo taa holoka momaimbilo oo a tota. Ota ti etumwalaka lilimo otali popi konghalo yoku konga oilonga moushimba. Omuna yoo etumwalaka olo tali popi kutya, ngeenge kapena oshimaliwa, nena kuna elineekelo loku eta po sha.

Ota tumbula kutya paife okuna omaimbilo eli a tanho oo a tulwa mokangalo, ashike omolwa ongushu oyo iheli naana pamufika uli nawa, ita dulu manga okuka pitifa, navali okuna na edilaadilo opo a pitife okangalo kaye ko tete ngeno taka kala kena omaimbilo aeshe oo a tota nale eli 16.

Antanga ota tumbula kutya, omaimbilo okwe a tota lela mahapu, ashike modoolopa kamuna ovo hava dulu okukwata oungalo opo adule oku pitifa oalbum yaye yo tete.

“Ohandi imbi ashike aame andike, ovanhu kave shii naana kutya osho handi ningi oshikwashike, ashike onda hala veshi shiive, shama ashike nda pitifa oalbuma yange yo tete.” Antanga osho a lombwela Kundana.

Okwa twikila ta yelifa kutya kena ashike ounongo woku imba, ndele oku na yoo ounhongo woku dana oinyandwa, yee okuna yoo nedilaadilo lokunyola omambo, ota ti embo lotete okwa hovela nale oku lishanga, a nyola onakudiwa yaye.

Ondjodi ya Antanga oyo, ovanhu va mone eshi akala eli pyakidila nasho, nokwa pumbwa eyambidido, adule okumanifa ashishe osho ena momadilaadilo yee eshi yandje moshiwana.

LEAVE A REPLY

Please enter your comment!
Please enter your name here