Ekaleko lyomaudhano goNPL lya tula oongeshefa pomutenya  

0
144

 

OSHAKATI-Oshikumungu shetanga lyokoompadhi sho uudhano gwo Namibia Premier League (NPL) mbuka wa mwena po manga i na shi guma ashike aadhani naaholi yuudhano mbuka ihe osha guma wo noongeshefa ndhoka ha dhi landitha iipumbiwa yomaudhano.

Yimwe yomoongeshefa miipumbiwa yomaudhano OTB Sport mOshakati oya li ya holola nkene omalanditho gayo ga shuna pevi muSeptemba nuumvo konima sho omaudhano goosikola ga li geya pehulilo.

Omukuluntu gwomalanditho gwa Otb Sport Penny Shaalulange okwa li ati olwindji ngele uudhano woosikola owe ya pehulilo nena ohaya kwathelwa koosipana ndhoka ha dhi dhana mooliha dha yooloka moshilongo oshinima shoka shafa itaa shi ka ningwa nuumvo.

Okwa tsikileko ta ti olwindji ngele ooliha ta dhi tameke ohaya mono aalandi okuza ngaa kaadhani mboka yehole oku landa oongaku dhetanga oompe, nosho wo iigamenithi yomoohongo (shin guards).

“Olwindji oosipana oha dhi ya oku landa omatanga uuhiya, uupandela ,iikutu yetanga nosho wo yilwe mbyoka hayi longithwa pomaudhano ashike nena shika ita shi ningwa oshoka oosipana kadhina sho ta dhi ka longitha iipumbiwa mbika,” Penny ati.

Oshikumungu shika ina shi guma ashike ositola ya Otb Sport ashike osha guma wo oositola oonkwawo moshitopolwa ndhoka ha dhi landitha iikwamaudhano na ota dhi ka hupa shokadhila ngele uudhano ina wu galukila kolupale.

Ooliha adhihe moshilongo odha tulamo ombiliki, onkene odhi li wo dha guma aalandithi mboka haya ka landitha puupale nosho tuu.

LEAVE A REPLY

Please enter your comment!
Please enter your name here