Luis na Dillish ya hogololwa methigathano lyo ASFAS

0
182

Aanamadhina ngele tashiya miiningwanima yomainyanyudho nomoonguyo moshilongo, Luis Munana naDillish Mathews oya mono ompito yamanguluka sho yahogololwa mehangano lyo kugandja omakopi nomapandulo miilongo ayihe muuyuni, lyo Abryanz Style & Fashion Awards (ASFAS).

Luis naDillish oyali ya hogololwa muukategoli mboka onga oyo yeli dhingi ngele tashiya pakuzala nawa, noku ihumbata nawa miiningwanima yomainyanyudho miilongo yuumbugantu.

Paankundathana na Luis, no nenyanyu, Luis okwa ti ehogololo lye mehangano ndika oteli dhanene pamwe naahondji yoonguwo ye, naamboka haye mu zaleke, na ishewe mboka haye mu humitha komeho.

“I handi izaleke mwene, nongele onda sindana ekopi ndika, otashi ka kala epandulo enene, no tandi ka gandja epandulo enene kaazaleki yandje meni nopondje yoshilongo,” Luis ta ti ngaaka.

Okwa gwedha po ta ti paku hogololwa kwe methigathano ndika ota ku kag andja ompito ombwaanawa kaaNamibia ayehe, unene aahondji yoonguwo opo ya ka kale yeli pamuthika gopombanda.

Ethigathano ndika olyali lina oku kala lya tseyithwa noku ulikwa moNamibia pethimbo lyoshiwike shoonguwo niizalomwa moVenduka, ashike inashi kaya we komeho omolwa omalongekidho gali inaaga ningwa nawa.

O ASFAS otayi ka dhana oshituthi shawo shika shoku gandja omakopi muDeesemba 9, mohotela yaKampala Serena Hotel moUganda, kohi yehuku “Zala  wu nyanyudhe”.

Nuumvo poshituthi shika okwa tengenekwa pu ka kale puna aanamadhina ngele tashiya momainyanyudho oyendji,  nomu Africa otamu ka gandjwa omakopi ga adha po 30.

 

 

 

nomination-1

 

 

 

 

 

 

 

 

 

 

 

 

 

 

 

LEAVE A REPLY

Please enter your comment!
Please enter your name here