Opolifi oya pumbwa N$90 000 okupaka omidimba 80 Komutoolinghundana

0
138

ONGWEDIVA –Muni waWindhoek ota pumbwa N$ 89323.75  opo a dule okupaka omidimba doonakufya ve dule 80 da kala mokila yomidimba yopolifi yaWindhoek oule weedula dimwe oda kala mo okudja 2012.

Ouyelele ou owa kolekwa komunambelewa wopolifi yaNamibia Omukonaakoni Slogan Matheus.

Omukonaakoni Matheus okwa yelifa kutya, dimwe domidimba oda kala mo okudja 2012 nande opolifi ya shiivifila oshiwana luhapu kutya ngeenge opena ou a kanifa omukwanedimo ne uye a tale kokila yomidimba yopolifi moWindhoek.

Oveta yopolifi otai longele kumwe noshipangelo kutya, shamha omudimba wa kala mokila omafiku e dule po 14, inau ilwa ko, nena ou na okufudikwa kelelelo lodoolopa.

Matheus okwa yelifa kutya, opolifi oi na okushiivifila omalelo opaitukulwa moshitukulwa omo tai longele kombinga yomidimba da kala mo, opo omalelo a dule okuninga omalongekido oukumwe nomahangano okupaka ovafi.

Elalakano, oku talike kutya otashi pula shi fike peni okulanda oikefa, okulongikida eenhele opo tapa pakwa ovo va fya nokutala kofuto yoilonga yepako. Mokila yopolifi yaWindhoek, omuyadi omidimba 81 da kala mo efimbo inadi ilwa mo kovakwanedimo. Ashike konima yeshiivifo lopaife lopolifi omidimba mbali oda didilikwa kovapambele.

Omukonaakoni Matheus okwa holola kutya nande ha adishe da kala mo okudja 2012 omwaalu owa enda nokuwedelwa. Omudimba wokamati keedula 15 wa monika muKotoba,  oka hanyenwa kuxe okudja meumbo lili popepi nOpenduka ke lixulwa efiku olo, oke limangelekela poGoreangab. Konima yeshiivifo lopolifi xe okwa dimbuluka omona, ta eta eedokumente noku longikide odjapo yefyo.

Omunambelewa wopolifi ta weda po kutya, omudimba womulumenhu a tjokwa kolusheno momudingililo waBrakwater no womulumenhu e limangeleka popepi noNubuamis wa nyonauka, nado inadi dimbulukiwa.

Opolifi otai kumaida oshiwana keshe ou e na omupambele kutya ovo vo hava endaenda va ninga efimbo lile ina uda apa eli, na va ka vandamene kokila yomidimba yopolifi.

Ava ve na ovapambele ve na omalinyengo taa limbilike nava shiivifile ovaxungimwenyo opo ovanhu va dule kukwafwa.” Ngee ou na omunhu a kana shiivifila opolifi ohashi pupaleke omakonaakono opolifi” Matheus ta ti.

Meenghundafana nomupoliko wopolifi yaShana Natalia Shikole okwa ti mokila yomidimba yopolifi yaShakati pefimbo eli kamu na omudimba inau ilwa ko kovapambele.

LEAVE A REPLY

Please enter your comment!
Please enter your name here