Young T a pititha oka vidio Fikulimwe

0
367

 

Konima ashike sho omvalele yomOngha moshitopolwa shaHangwena, Tulina Ndafyaalako a tseyika nawa Young T, ali apititha okavidio ke Namutenya petameko lyomwedhi nguka, okwa holoka ishewe noka vidio ke okapeepeeka kedhina Fikulimwe.

Fikulimwe ongalo ndjoka ya kala noku inyenga nawa konyala oshilongo ashihe konima ashike sho yali ya pitithwa omwedhi gwaziko. Oka vidio ko kangalo haka okali ka piti Etiyali lya ziko.

Young T ota ti oka vidio haka ota ka popi kutya naye okuna ashike oku kalanda osheenditho she, nonando otashi pula shike, noluhepo kalu na esiku lu ke mu tule kohi.

Oka vidio oka thaanekwa kuSodo, ngoka eli oye  gumwe  gwomaathaaneki dhingi  yuuvidio  moshilongo.  Fikulimwe  ongalo ndjoka ya kuthwa moalubuma ontitatu ya Young T ndjoka yatengenekwa tayi ka pita paife, yedhina Becoming a King, sha hala kutya, ote ningi omukwaanilwa.

Young T okwa kunkilile opo ayehe ya tale okavidio nenyanyu, ko You Tube no ko Facebook. Oyendji oya tseya Young T sho ali apititha oalubuma ye yotango yedhina Philosophical Pages mo 2014, moka mwali muna oongalo ngaashi Ehaka na Taxi man, dhali dha dhenga mbanda.

Omvula yazako okwa li a pititha oalubuma yedhina The Time of Merchandise, ndjoka ishewe ya inyengele nawa, nomwali mwakwatelwa oongalo ngaashi Walata, Numbers, I let you go, ndhoka dhali dha hokiwa koyendji.

 

LEAVE A REPLY

Please enter your comment!
Please enter your name here