Aalongeki yoNAMAs ya pukulula aahikingalo yokoNooli kombinga yoNama’s 2017

0
169

ONGWEDIVA-Osheendo shaanambelewa yaMTC naNBC ota shi talelepo iitopolwa ya yooloka moshilongo okugandja omauyelele nokupukulula aahikingalo kombinga yomathigathano goongalo ngoka ga tseyika nawa Namas ano (Namibia Music Award).

Sho a tsakanene naahikingalo mOngwediva ,Omupopiliko gwoMTC John Ekongo okwa holola kutya monakuziwa oya li ya mono omaupyakadhi ogendji okuziilila kaahikingalo mboka kaa ya uviteko omilandu dho Nama’s onkene, olwindji oyi iyadha taya ekelehi omaindilo ogendji oshoka ina ga tsa kumwe noompango dhe thigathano.

“Ethigathano lyo Namas olya patulukila kehe omuNamibia nenge omukwiilongo  ngoka ena uuthemba woku kala aluhe moNamiba, ihe nakale ewu mona konima yoomwedhi hamano.

Iihikomwa ayihe tayi kutha ombinga methigathano lyoNama’s nayi kale ya hikwa pokati kolyotango lya Desemba 2015 sigo 30 Novomba 2016.

Oalubuma nayi kale yina iihikomwa yi thike pu iheyali opo yi vule oku kutha ombinga momathigathano, yo nayi kale yina oominute omilongo ndatu nenge dhivulepo.

Iihikomwa ayihe nayi kale ya shangithwa nehangano lyoNASCAM,yo nayi kale ya ya momaladhithilo pokati kolyotango lya Desemba 2015 no 30 Novomba 2016.

Aahikingalo naya se oshimpwiyu opo ya tulemo uumbangi mboka ta wu holola kutya uungalo niihikomwa yawo otayi landithwa , otaya vulu okutulamo uumbaapila womafutilo.

Kehe eindilo na li ningwe mofoloma ompe na ita ku ka pitikwa omaindilo ondumba mofoloma yimwe.

Oofoloma dho Nama’s ota dhi adhika kepandja lyo www.nama.com.na omanga esiku lyahugunina lyokuninga omaindilo omasiku gaali ga Desemba 2016.

Omaindilo ota gandjwa poombelewa dha NBC adhihe moshilongo .

Aahikingalo ayehe mboka kaa yena natango ooalubuma noyena ashike uungalo kookamwe otaya vulu ashike oku kutha ombinga methigathano lyokangalo dhingi, na itaya vulu oku hogololwa ya ninge omuhikingalo dhingi gwokomumvo.

namas-2

LEAVE A REPLY

Please enter your comment!
Please enter your name here