Ekopi lya Dr Ithete lya dhanwa lwotango

0
175
Elizabeth Booysen ngoka eli omupopiliko gwa Medipark ta gandja epapa komudhani dhingi muudhano wa Medipark

ONGWEDIVA-Osipana yOngwediva All stars oya shanga ondjokonona konima sho ya ningi yotango okusindana po ekopi lyOmundohotola Ithete ngoka oye mwene gwoshipangelo shaMedipark mOngwediva.

Osipana ndjika Ongwediva All Stars Footbal Club oya sindana po uudhano mbuka Osoondaha ya ziko.

Ekopi ndyoka lya dhanenwa oshikando shotango lela mondjokonona yokiitopolwa yokoNooli olya li lya sindanwa po kosipana yo All Stars konima sho ya li ya dhengemo osipana ya Medipark ookoola ndatu muyimwe konima sho ya li yi ithigi othika mokapale 0-0.

Oosipana ndhika odha li dha yi ko kutsikinika hoka kehe gumwe ali eli pokati kolumpangwa nomwele.

Uudhano mbuka owa li wa katekwa konyala ominute omilongo mbali sho omuhiki hiya a li  a hala omudhani gwoMedipark a thangulule opelendi konima sho a li a thangele etanga pondje yokoola , ta ti omukwati okwa li iinyenge omanga etanga ina li thangwa naashika konyala shi ete omakuyunguto ashike konima aatseyi veta oya li ya potokonona .

Aatseyi veta oya li ya popi kutya etanga oha li thangululwa ashike ngele omukwati okwa kwata etanga manga iinyenge tango, ashike ngele etanga olya paluthwa nena omudhani kena kuthangulula.

Ongwediva All Stars sho ya venepo oshipotha shawo oya li ya tsikile nokuthanga oopelendi na oya li ya thangele mo Medipark 3-1 .

All Stars okwa li a kuthapo ekopi lya Dr Iithete oombandi nokapandi koodola N$ 1000.

Omukwateli komeho guudhano mbuka Olaleka OJ Andjani okwa li a tseyithile Kundana kutya ekopi ndika otali ka dhanwa aluhe omvula kehe konima yoliha yapwa.

Oliha yonuumvo oya sindanwapo kaaniilonga ya UNAM Engineering, ndjoka nayo yali ya pewa ekopi lya wo esiku ndyoka konima yomaudhano, UNAM okwa li a pewa okapandi koodola N$ 4000, nekopi omanga Medipark ngoka ali eya puutiyali a li a pewa okapandi N$ 2000 noombandi dhoshisiliveli.

Old Mutual oye eya pehala etitatu sho oliha ya li yeya pehulilo na okwa li a pewa okapandi N$ 1000 noombandi dhoshikushu.

 

LEAVE A REPLY

Please enter your comment!
Please enter your name here