Namibia a pingenwa po kuSudan puudhano woCosafa

0
123

 

Ospana yaNamibia yetanga lyokoompadhi yaadhani yokohi yomimvo omilongo mbali oya pingenwa po methigathano lyuudhano wekopi lyoCOSAFA ku Sudan.

Uudhano mbuka wa thanekwa tawu kalako omwedhi tu uka moprovinsa yokUumbangalantu Ninginino waSouth Africa momasiku 7-16 ga Desemba Namibia itaka kutha mo ombinga oshoka kena iimaliwa okutuma ospana ye kuudhano hoka.

Omasiku gaziko Ehangano lyuudhano wetanga lyokoompadhi nenge NFA olya tseyitha kutya itali ka kutha ombinga muudhano mbuka molwashoka inali vula okumona oshimaliwa shomilliona yimwe oshinkwanu mbali  opo Namibia a vule okukutha ombinga pwaana uupyakadhi washa.

Etokolo ndika olya ningwa konima sho NFA a li a kambadhala oku konkola piiyelo yomahangano ga yooloka oku konga ekwatho ndele omaindilo ge inaga tompola sha onkene okwa tokola opo iikuthemo methigathano ndyoka lya simana na ohali vulu oku etela ospana oshindji.

Omolwa onkalo ndjika aalongekidhi yoCosafa oya li ya thiminikwa okukonga omupingenipo gwa Namibia ta opalele na Sudan oye a kwatwa koshihogololitho shika oku ya moongaku dha Namibia.

Oshilongo shomuumbangalantu zilo wAfrica osho tashi kuthapo ehala lya Namibia mongundu yaC muudhano mbuka. Shika otashi dhana nAngola, momasiku 8 ga Desemba muudhano wotango omanga inaashi ka dhana naMauritius momasiku 10 Desemba osho wo Seychelles momasiku 12 gomwedhi ogo tuu ngoka.

‘Tse otu uvite nayi  sho Namibia itaa kutha ombinga methigathano ndika lyoCosafa lyonuumvo no tu uviteko etompelo lyawo  sho yi ikuthamo. Otwa nyanyukwa wo oku taamba ospana yomuthika gwa Sudan, na otuna einekelo kutya otaya ka ulukila aatali uunyakwa nuunkulungu mboka yo taya etelele muuudhano mbuka. Otu shi shi shoka oospana dhoshilongo shika hadhi vulu okudhana kutya nee oondjoka yaadhani aakuluntu nenge yaadhani mboka yokohi yomimvo omilongo mbali. Mbaka otaya ka kala yamwe yomoospana ndhoka twa tegelela dhi ka kondjele ehala methigathano lya hugunina muudhano mbuka”Omunashipundi gwokommittee ndjoka tayi longekidha ethigathano ndika Timothy Shongwe a ti

Sudan okwa sindana ehala lye oku dhana muudhano womanyakwa omagundjuka gAfrica sho a li dhengemo ospana yi shiwike nawa ya Nigeria muudhano woku pita ya ka dhane muudhano womanyakwa ngoka omumvo tu uka.

Ye nguka otaka tsakanena noospana ngaashi  South Africa, Cameroon na Senegal mongundu ya B. Orepublika yUudemokoli ya Congo nayo otayi kutha ombinga muudhano mbuka wo Cosafa ya kalelapo iitopolwa yopokati kAfrica. Onkene aatali otaya ka tyapula wo uudhano nomuhingo gwi ili gwokudhana etanga okuza koshilongo shika.

 

LEAVE A REPLY

Please enter your comment!
Please enter your name here