Nkandi i imangeleka

0
239

ONGWEDIVA – Opolisi mOmuthiya otayi konaakona oshiningwanima moka omulumentu omugundjuka i ikutha omwenyo.

Uuyelele wa gandjwa kuKomanda gopevi Moshitopolwa shaShikoto Deputy Commissioner Naomi Katjiua gwopolisi yaShikoto otau ti omulumentu nguka gwedhina Pinehas Nkandi, omunamivo 36, a zile momukunda Oshaampula, okwiimangelekele popepi negumbo lyaandjawo.

Nkandi okwi itsuwa komumwayina kadhona ngoka a tseyithile aanegumbo nopolisi.

Katjiua ta ti kapena naanaa uuyelele wothaathaa tawu holola kutya omugundjuka nguka oshike iikuthile omwenyo, oshoka ina thiga po omukanda tagu tseyitha kutya oshike i imangelekele.

Katjiua ta ti opolisi ngashi ngeyi otayi ningi omakonaakono komudhimba opo ku talike kutya oshike sheeta eso.

 

LEAVE A REPLY

Please enter your comment!
Please enter your name here