Ondangwa nOranjemund ya tsakanene

0
181
Aawiliki yoondoolopa Oranjemund nOndangwa pethimbo lyoshigongi shawo pEkamuti Lodge mOndangwa Olyomakaya gayi.

 

ONDANGWA – Elelo lyondoolopa yaNdangwa Olyomakaya ga piti olyali lya mono aatalelipo yaza kondoolopa yaOranjemund. Etsakaneno ndika olyali lya ningilwa pEkamuti Lodge.

Pethimbo aawiliki yoondoolopa ndhika yali ya tsakanene oya li ya shaina  euvathano lyokulongela kumwe.

Omalelo ngaka goondoolopa ndhika ogali ga kundathana nkene gena oku eta ehumokomeho moondolopa dhawo, nonkene yena okuhedhitha uuwanawa koshigwana. Meya gondoolopa yaNdangwa, Paavo Amwele pethimbo ta popitha aayenda mboka okwa li a pandula sho elelo lyOranjemund lya mono sho opala opo ya pange uukuume.

Amwele okwa ti otaya kala ya longa muukumwe, yo ya topolelathane omadhiladhilo gapamba omapendulopo goondoolopa ndhoka. Ta ti aanambelewa yomalelo ngaka gaali otaya kala taya longele kumwe, yo taya paathana uunongo noku ulukilathana oondjila ndhoka haya longitha.

Meya gondoolopa ya Oranjemund  Henry Coetzee, ngoka oye ali a kwatele osheendo komeho okwali a pandula elelo lyondoolopa yaNdangwa sho lya taambako ehiyo nande lya ningwa meni lyethimbo efupi.

Omalelo ngaka gaali ogali ga taambathana gamwe gomomahumokomeho ngoka, yi ipyakidhila nago pehala mpoka. Meya Amwele okwa li a fatulula kutya , monakuziwa elelo lyondoolopa yaNdangwa pamwe nOranjemund oga kala ookuume, nuukuume mboka otaya lalakanene okuwu kalekapo.

Etalelepo ndika olyali lya gandja ompito kaaniilonga yomalelo goondoolopa ndhoka mbali ya tsakanene , yo ya kale taya longo muukumwe. Omunambelewa omukuluntu melelo lyondoolopa yaNdangwa Ismael Namugongo okwa pandula , sho natango yena uukuume wa kola, ta ti etalelepo lyaaniilonga mOranjemund otali ti sha.

Eelelo lyondoolopa yaNdangwa otali ka longekidha etalelepo lyowina,  kondoolopa yOranjemund, yo aaniilonga taya tala nkene omahumokomeho kombinga hoka taga ende.

Aarangemund oyali ya talelepo omahala gi ili nogi ili mondoolopa yaNdangwa, noku tala nkene ondoolopa ya huma nenge tayi humu komeho. Meya Coetzee okwa pandula sho omalelo ngaka gaali ga shaina euvathano opo ga kale taga longele kumwe, moku yambulapo oondoolopa ndhoka.

 

 

LEAVE A REPLY

Please enter your comment!
Please enter your name here