Oshivilo shoipindi kOrajemund noneudo oko shi li

0
157

 

Oranjemund – Oshivilo shokomudo shoipindi kodoolopa ya Oranjemund (Oranjemund Diamond Festival) no neudo oko shi li.

Elelo lodoolopa ya Oranjemund, opamwe nehangano olo lililepo ovanangeshefa (NCCI) moshitayi sha Oranjemund, noneudo ova unganeka oshivilo shoipindi shokomudo opo shikale ko pefimbo lokuya pehulilo lomudo ngaashi shito.

Omupopiliko welelelo lodoolopa ya Oranjemund Glennadette Scholtz okwa lombwele Kundana kutya omalongekido aeshe oku li peenhele, nokwa fanekwa oshivilo shoipindi oshititanho tashi ka kalako okuhovela mo 28 Novemba fiyo 03 Desemba 2016.

Scholtz okwa ti oshiwana osha teelelwa opo shikufe ombinga momaulikilo oipindi omatitanho okomudo oo taa ka kala modoolopa okuhovela pehulilo lomwedi ou.

Ta tumbula kutya omalalakano oshivilo eshi shoipindi shokomudo, oo okushiivifa odoolopa ei ipe opo ya tulwa pomufika wodoolopa, noku nana ovapindiki va dule okupindika kodoolopa yOkawe.

Ongoshitopolwa sha Oranjemund Diamond Festival, oshivilo osha tetekelwa  nale nokuli, koshiindingili shokaadona dingi, oko taka ufanwa Miss Diamond 2016. Oshiindingili osha liko momafiku 11 Novemba 2016 mo Recreational Club mOranjemund,  nefamba dingi Hilma Paulus okwa tofwamo oye Miss Diamond 2016.

Michaela Mannetti oye eya omutivali taku landula efamba Nashtea Isaacs oo eya ponomola onhinhatu.

Ouvalelo weongelo loshimaliwa opo kudule oku unganekwa omauliko oipindi okomudo odula yo neudo, okwaliko momafiku a 05 August 2016.

Scholtz okwa tumbula kutya omaulikilo oipindi oneudo okwa faanekwa taa ka kala oo dingi, okuyelekanifa naao a ningwa momukokomoko weedula nhee da ka pita.

 

LEAVE A REPLY

Please enter your comment!
Please enter your name here