‘Ova dali tu kumaideni omaludalo etu’

0
206
Meekulu Selma Kapia Kamati omukalimo wo moLindili oo ta indile ovakulunhu va tekule ounona novanyasha pamufyuululwakalo opo ava va kale mondjila iwa no ye duliko.

Lüderitz – Meekulu Selma Kapia Kamati okwa indila ovadali vashune komifyuululwakalo davo mokupukulula omaludalo noku a lombwela oinima oyo iha i tiwa ilo oyo ihaa ningwa.

Omunamido 76 odalele yomo Namula moUkwambi, nokuli omukalimo wo mo Lüderitz, okwa indila ovadali, nova tekuli voshiwana shokomongula va kumaide, noku pukulula ovanyasha  opo oshilongo shiha tekepo koikungulu younyuni.

Kombinga younona novanyasha, meekulu Kamati ota ti nava dulike kovakulunhu, osho yo na va pwilikine omakumaido oo ta va pewa.

“Ovanyasha ngee ova pwilikine komakumaido, ovakulunhu vavo noku dulika kuo, ngaashi fye twa kala, hatu kumaidwa kovadali ta ve tu lombwele kutya shonhumba iha shitiwa, opo ashike tava dulu oku kala ve li melandulafano.”  Meekulu Kamati osho a tumbula.

Meekulu Kamati ota hokolola kutya mo Lüderitz okweya mo modula 1942  novakulunhu vaye. Okwa kala hai kOwambo omafimbo nomafimbo, novakulunhu vaye, nota dimbuluka nawa eshi a kala haka lifa oshikwekwe.

Oprima fikola yaye okwe i fikola mo Lüderitz, naashi a mana okwaya kofikola kOtjimbingwe oko eke lihonga Ombimbeli.

Modula 1959 okwaya kofikola youpangi ko Windhoek, naashi amana elihongo laye , okwa kala ta longele moshihakulilo shikulu sha Windhoek.

Okwa kala ena oshinakuwanifwa shoku twala ovanaudu koshipangelo koCape Town ko South Africa, Ovawambo ovo hava tuminwa koshihakulilo shaWindhoek okudja koipangelo yokOwambo.

Eli olali elao ku me Selma eshi ashiiva nawa ko Cape Town, shaashi yeemwene okuli yoo omunapolitika. Okwa kala hashakene novanapolitika vakwao ngaashi oonakusa Peter Mweshihange. Ovakala mekwatafano, naashi Mweshihange aya nokwa fika koTanganyika(Tanzania)okwa nyola ombapila kutya okwa fika nawa.

Modula 1965 okweya alongele ko shihakulilo sha Lüderitz, yee eli ngaa momakwatafano novanapolitika vakwao tava nyolelafana eembapila. Modula 1969, ombapila imwe oya leshwamo, ndele takufwa moilonga youpangi, ta kutiwa nakale pedu shaashi okuli moikwapolitika.

Okwala pedu oule weedula mbali.  Ta ka longa oilonga youpangi mo kapangelo ka Swafil, yee ta twikile ngoo nopolitika yaye. Modula 1979 okwa kwatwa po eli moikutu yaye youpangi nokuya kodolongo ko Gobabis oko aka oule weehanhi dili nhee.

Omanga eli modolongo, ovana ovamati vavali ovo kwali velimofikola mo Lüderitz, ova kala ita va i kofikola, tava tewako vati ina okuli mo politika.   Inakulu nakudala mee Selma okwevatuma kOwambo kOniipa oko va ka fikole vaya kuina mumwaina wa ina.

Mokwaaluka kwaye modolongo , oilonga inai mutambula vali, shaashi okwa kufa ombinga mopolitika. Oilonga oya kana filu, omanga ashike elimeedula dounyasha ena eedula 39.

Okudja odula oyo akanifa oilonga, okwakala ashike telinyangele nokulandifa oulandifomwa vaye fiyo onena. Okwa hombolwa modula 1965 komuholike waye Simeon Kamati oo a tetekela nale modula 1995.

Ovapelwe omaano oludalo lovalumenhu va 3 nomukainhu umwe, omulumenhu umwe okwa tetekela nale.

Meme Selma oye ina ya meme Fredrika Wahengo oo a kala Omukulunhufikola mOngwediva College of Education, pefimbo linya, nopaife okuli omulongi mo Univesiti ya Namibia koshikondo shouhongi mo Windhoek.

 

LEAVE A REPLY

Please enter your comment!
Please enter your name here