Shady a pitiko nuungalo utatu

0
179
Shady ngoka eli ta imbi oye awike pethimbo ndika.

 

Okakadhona koomvula dhopokati hoka kena ewi ewanawa moku imba oongalo, Shariefa “Shady” Gawanas, oka holoka mehangano lyoongalo nuumvo ongomuimbi oye awike, konima sho kali ka topoka nongundu yako yedhina Dotcom ndjoka ka kala noku imbila oomvula konyala dhili mbali.

Oshiwike sha piti omuhikingalo oye tuu nguka okwa li a notheleko aakwashigwana naaholi yoongalo dhe kombinga yuungalo we mboka opo ashike a li a mana okukwatitha ku yimwe yomostudio moshilando.

Never Give you Up okangalo koHouse ka kwatithwa ku Ponti, Look of Love ongalo yo Hip-hop no RnB ya kwatithwa kuMzee naOrdinary People ka kwatithwa ishewe kuPonti, owo wumwe womoongalo Shady ali a tseyitha kutya otadhi ka uvika kooradio dhomoshilongo nokomapandja go intaneta, masiku masiku.

Shady okwa valelwa moshilando mo1990, nokwakokele kOmbaye kefuta, hoka ali a tameke oku imba kwe manga ali omushona lela, sho a kala noku kutha ombinga momathigaathano go ku imba ga yoolokathana noku ndaanisa.

Okwa ti ondjodhi ye oya ka ninga yoshili sho he, Willem Gawanas, a li a toto po ongundu yaa imbi yoongalo dhopambepo, yedhina “Three Little Sisters” mo 2000, moka Shady a li a uvathana nuumwayina kadhona uyali, Colleen Gawanas naAzariah Gawanas.Ongundu ndjika oyali ha yi imbile mOmbaye piituthi ya yoolokathana.

Nando ongaaka, momunvo 2005 Shady okwali a holokele moshilando shaVenduka, nokwali aningi omulongwa kosikola yo Windhoek High School. Mo 2007 sigo 2009, okwa li a ningi oshilyo sho ku imba shoKatutura College of the Arts Choir.

Mo 2014, Shady okwali a tsakanene nongundu yo Dotcom, ndjoka oyo a kala ta longo pamwe nayo, na oya ka hogololwa methigathano lyokugandja omakopi kaahikingalo dhingi moNamibia (NAMAs), onga oyo aaimbi dhingi yoongalo dho Afro Pop.

Omvula yaziko Shady okwa li a topoka nongundu ndjika sho ali a shainwa kehangano lyoApex Record Label and Artist Management. Ngaashingeyi okuli ta imbi ye ita sholola, nokwa tseyitha ta ti oalubuma ye yotango otayi ka pita kuyele  omvo tu uka.

 

 

 

 

 

 

 

LEAVE A REPLY

Please enter your comment!
Please enter your name here