Ta ya dhana muutonamende uushona

0
162
Nkene aadhani ta ya vulu okumona omaehamo ngele ota ya dhana naantu kayena ontseyo yetanga yopombanda

ONGWEDIVA-Aadhani yomooliha dhopombanda yomiitopolwa yokoNooli  ngashingeyi ohaya dhana muutonamende womomikunda molwaashoka oshilongo osha taalelwa koshikukuta shomaudhano getanga lyokoompadhi.

Oyendji yomaadhani mbaka ya kala ihaa ya kutha ombinga muudhano wakwalukehe oshoka ondondo yaa mbuka oyi li pevi, ngashingeyi otaya hakana oondjagumuke dhomaudhano.

Yamwe yomaadhani mboka ya li ya popi na Kundana  no inaa  ya hala omadhina gawo ga holoke moshifo, oshoka inaya uthwa ya dhane momaudhano ngaka kaadheuli yawo, oya li ya holola nkene yo ya sa enota lyoliha yi galuke yo ya tameke nomaudhano geli melandulathano.

“Aadheuli yetu ina ye tu pitika opo tu dhane mootonamende dholudhi nduka oshoka okuna uutile kutya otatu vulu oku mona omayehamo ngoka ta ge ketu kaleka kondje yokapale uuna oliha ya tameke,”gumwe gwomaadhani yosipana hayi dhana moPremier league ta ti.

Omudheuli gwosipana yoKK, Father Elemu okwa li wo a hololele Kundana kutya uutonamende uushona olwindji owa nika oshiponga oshoka aadhani mboka haya dhana ka yena ontseyo yagwana nolwindji ompito yaadhani aanene okumona omayehamo oyili pombanda, onkene oshi li sha simana opo aadhani mbaka ya kongepo omukalo gumwe gwokutunga po omalutu gawo.

Okwa ti ashike ngele oliha ita yi tameke nena aadhani mbaka ka yena nkene  oyena ashike okuhogolola ya dhane mootonamende ndhoka dhilipo oshoka yo oyena ohokwe yuudhano wetanga lyokoompadhi.

 

LEAVE A REPLY

Please enter your comment!
Please enter your name here