Aaholi yetanga lyokoompadhi otaya yi kokili noomwenyo dha lindimana

0
158

ONGWEDIVA-Omuvo gwo 2016 ogwa li gwa ningi ondjokonona , sho omaudhano getanga lyokoompadhi ga ndopa oku tameka molwa oshimaliwa shoka ta shi kanda omapunya.

Namibia okwa li a dhengwa ondhimbo sho ehangano ndyoka lya kala hali gandja oshimaliwa metanga lyokoompadhi MTC lya li lya hulithapo omakwatho galyo nuumvo.

Oshinima shika osha ehameke aantu oyendji okuza ngaa kooyene yoosipana, aadhani, aatooli nkundana, aahiki hiya naayambidhidhi.
Ayehe mbaka nda tumbula metetekelo oya gumwa nayi na ota ya kalya Okili nomayeme pothingo oshoka sigo onena kapena esiku lyothaatha moka ooliha ta ku tiwa ota dhi ka tameka.

Oyendji oye li nale ya gwa mo moku dhilaadhila oliha oshoka ethimbo nalyo olya pwapo lyokudhana omumvo gwokatanga 2016-2017.
Ashike epulo oli li mpaka ano opwa enda shike naanaa opo MTC a tokole okuhulitha po eyambidhidho lye ndika ketanga lyokoompadhi?

Ano iimaliwa mbyoka MTC a kala noku tula momaudhano oya kala ngaa ta yi longithwa pamukalo?
NPL okuna nga oshigwana komutima nenge okuna ashike nuuwanawa we?

Ngaka ogo gamwe gomomapulo ta ga inyenge momitse dhaayehe ya gumwa koshikumungu shika.
Nando NPL (Namibia Premier League) a li a gwayeke aantu omuhoka komilungu omauvaneko ge kutya ota ya kamona ngoka ta pingenepo MTC shika ina shi ningwa sigo oompaka.

Otaku hokololwa kutya NPL okwa hala okugalikana MTC opo iitedhulule noku lundulula etokolo lye lyokwaa yambidhidha we etanga lyokoompadhi moNamibia.

Ezimo lyokatanga kokoompadhi olya ihe lya dhengwa pomutima konkundana ye i kuthemo lyosipana yaNamibia yokohi yomimvo omilongo mbali muudhano woCOSAFA mboka wuli muSouth Africa ta wu tameke oshiwike tashiya 7-16 gaDesemba omolwa ompumbwe yoshimaliwa okutuma aadhani hoka na oye li nale ya pingenwapo kuSudan..

LEAVE A REPLY

Please enter your comment!
Please enter your name here