Blue Machine oku li moRussia a tegelela olugodhi lwo Super Fight

0
187

Windhoek- Julius “Blue Machine” Indongo nosheendo she oye li mo Russia moka ye ta ka palamena omudhengingonyo omuRussia Eduard Troyanovsky okukondjela epaya lyoIBF/IBO mondjundo yo Junior Welterweight/Super Lightweight Olyomakaya ndjika.
Blue Machine oku li pamwe nomuwiliki gwe Nestor Tobias osho wo omudheuli gwe Josef Hantindi.

Indongo sigo oompaka okuna omukumo. “tala ngame ondi shishi kutya otandi ka kondjitha enyakwa mondjundo yosuper light weight.Enyakwa ndyoka inaali dhengwa natango osho wo ndyoka lina ontseyo oyindji mokudhenga oongonyo, naandika olina omapaya gaali guunyakwa wuuyuni.” Indongo a ulike.

Ngame otandi ka londa moringa ndjoka neikelo lyoku etelela omapaya ngaka gaali guunyakwa kegumbo osho Indongo a uvaneke.
Osheendo sha yatatu osha thikile mo Moscow oshiwike shika. Olugodhi nduka otalu ka kondjwa ongulohi yOlyomakaya moshinyanga shedhina Khodynka Ice Palace mo Moscow, naambaka yatatu otaya galukile kegumbo momasiku gatano ga Desemba 2016.

Ina shi tseyika ngele oTiivi yIilonga yokutuma Omawi mombepo yaNamibia nenge NBC otayi ka ulika uudhano mbuka pethimbo tawu dhanwa nenge itashi ka ningwa. Ihe uuyelele kombinga yaashika otawu ka gandjwa nale.

“Olugodhi nduka olutiyali sho omudhengingonyo gumwe gwomaadhengingonyo yaandjetu taka kondja molugodhi lwo super kakele kutya nguka otaka kondjela kondje yoshilongo, naashika osho eshongo enene kuye.Tse otwi ilongekidhila olugodhi nduka na Blue Machine ota ka londa moringa noku gandja kehe shoka ena opo a se oshimpwiyu kutya otatu galukile kEvi lyOmapenda otse aasindani” osho Nestor a uvaneke.
Osheendo sha Blue Machine Indongo
pethimbo sha tegelela okuya
mondhila opo shi ye ko Russia hoka
omudhengingonyo nguka a tegelela a
ka kondje na
Edward Troyanovsky Olyomakaya ndjika.

LEAVE A REPLY

Please enter your comment!
Please enter your name here