Fidel Castro – aluhe a tala esindano

0
127

Oshiwike shika uuyuni owa laleke omunedhina, Fidel Castro. Ye okwa li gumwe a yooloka. Kashina mbudhi kutya uuyuni owa yooloka ngiini kombinga yonkalamwenyo ya Castro, tse mUumbugantu wAfrika otatu kala noku dhimbulukwa Castro omolwombepo ye yeigandjo.

Ngaashi miinima oyindji eso lya, Castro olya topola Uumbugantu waAfrica nuuyuni momumbwalangandjo pamuhoko. Kaaluudhe tse muumbugantu wAfrika mboka twa longo kohi yondjoko yuukoloni nokakombo noludhi kaa Uninginino, Castro pamwe na hailwa gwe Che Guevar oyo omapenda ngoka taga kala noku simanekwa aluhe, nesimaneko ndika itali vulu oku uvikwako kaatiligane,
Shika oshi li ngaaka nonando iilongo yokUuninginino oya hala aluhe okutala ku Catstro noshilongo she Cuba ongo oshilongo shoka sha kambadhala no sha ndopa okutula miilonga omulandu guusosiale nenge ku yamwe omulandu guukommunisi. Ihe kuumbugantu wAfrika nuunene Namibia okuna ongunga yaCastro nokombepo yaaCuba yeigandjo mwene.

Aakwiita yaCuba oyo yotango ya holoka okukwatha aaNamibia mboka ya li ya hepekwa shi nyanyalitha moCassinga. Aakwiita yaa Kuba oya si yo yamwe oya lemana sho yi igandja okutu popila. Konima yoshiponokela shika Cuba oye oshilongo shotango shoka sha gandja omahala goosikola ko Island of Youth moka mwa longelwa aanona omayovi gatatu mboka ya hupu medhipago lyomo Cassinga.
Namibia, South Africa, Angola, Mozambique – omusholondondo itagu hulu iilongo mbika ando kayi li pomuthika mpoka yili nena ando ka kwali kekwathelo lya Castro naantu ya Cuba. Tse otatu popi sigo omuntu oto vulu okudhiladhila kutya andola ngele kapwali aakwiita ya Cuba poCuito Cuanavale ando la ngiika okakombo noludhi osho wo uukoloni inawu teka po.

Kohi yekommando lyaCastro, Cuba okwa tula egameno lyopashigwana lyoshilongo she moshiponga opo a shunitheko aakwiita yomukulonyeki mboka ya li taa ya hitilile moAngola. Okudhengwa po Cuito Cuanavale okwa li taku kala okusindika kwaantu yuumbugantu waAfrika ne sindano lyaSouth Africa lyokatongo ando olya ningi esindano lyuukwamuhoko nuupiyapika , mboka omilandu ndhika dha kalelapo.

Shoka sha ningwa po Cuito Cuanavale osha eta elunduluko enene mUumbugantu wAfrika unene tuu kuNamibia sho ndika lya fala metulomiilonga lyokatokolitho 435 kOraata yEgameno yIigwana Hangano. Shika osha fala sigo omemanguluko lya Namibia mo 1990. Ombinzi yaakwiita ya Cuba eeno shili otayi tekele emanguluko lyetu.

Kakele ka Russia, kapena nando omuwiliki gulwe omuEuropa nenge ootu aanambelewa yopombanda mboka ya tokola okukala pefumviko lya Castro. America nee malwa manene kapena nando oongoka a holoka oshoka kuyo opamwe naa uninginino oya kwata natango kuumbanda wuukommuni na ishewe kutya Castro ye mwene oye ondeeveli.

Ndele tse otatu lili omuntu omusimani, ngoka a hwahwameke oshilongo she oku yambidhidha omahangano getonde okakombo noludhi.Shika Cuba okwe shi ningi omanga nookuli aauninginino inaa ya adhika kedhiladhilo lyokutotapo omahangano gokukondjitha okatongo, moLondon, Brussels nenge moWashington.

Nomwaalu gwiiyemo omushona nomahupilo ga gumwa unene koondjindikila, Cuba okwa longitha aahwahwameki naakwiita omanga wo ta kwathele omahangano omakondjelimanguluko muAfrica..

Castro, na Cuba, oya palamene uuyuni noku gongela uuyelele okufala oshipotha kIigwana Hangano mbyoka konima ya ka tokola kutya okatongotongo oko omuyonena gopantu.

Ngaashi Omuperesidente Hage Geingob a popi oshiwike shika mo Havana: “Nonando otwa dhiminapo aatondi yetu, tse katuna esiku natu ka dhimbwe ookuume ketu”Aantu yaCuba ookuume ketu. Fidel okuume ketu. Nena nosigololo.” “¡Hasta la victoria siempre!]” Okuuka kesindano” Commandant Fidel Castro.

LEAVE A REPLY

Please enter your comment!
Please enter your name here