Gazza ta tseyitha oalubuma ye pamwe na Nyanda

0
216

Windhoek- Omuimbi nomusindani gwomakopi moshilongo, Lazarus “Gazza” Shiimi, ota tseyitha noku ulika oalubuma ye Olyomakaya ndjika pamwe nomuimbi omuJamaica gwedhina Nyanda.

Oalubuma ya Gazza ndjoka yina oongalo 25, noyili onti 11 otayi ka ulikwa noku tseyithwa po kapale kuudhano koposhiputudhilo shopombanda moshilongo (Unam).

Gazza okwa ti Nyanda okwa zimina opo a kale eya moNamibia noku imba pamwe naye, omolwa sho ya kala nokulongela pamwe.
Elongelo pamwe lyawo olya li lya holoka sho Gazza a li a tuka okuya ko Miami muDesemba gwaziko, opo ye ki imbe ongalo ye pamwe naNyanda yedhina Up, Up and Away, ndjoka yakwatelwa ishewe moalubuma yaGazza.

“Oku imba pamwe naGazza ondjodhi ya ninga yoshili. Okuya kwandje koMiami kayi shi owala oku imba pamwe naNyanda kwa li, ashike oku totapo uukuume, nelyenge lyakola opo tu vule okulongela pamwe monakuyiwa,” Gazza ati, ye ta gwedha po ishewe ta ti shika osho oshinima sha simana okulongela pamwe, unene aahikingalo yomenenevi lya Africa, naangoka a huma nawa komeho.
Nyanda okakadhona hoka ka kala nongundu ndjoka hayi imbi oongalo dhoRnB noReggae, ya tseyika nawa ongaBrick & Lace, molwa oalubuma yawo yotango Love Is Wicked, yali yapiti mo 2007.

Nyanda okwa li a tameke oku imba oye awike muFebuluali 2013, sho ali a imbi ongalo ye “Trouble”. Okuza mpoka okwa kala noku tota oongalo dhe odhindji, ndhoka dhemu petha omakopi.

LEAVE A REPLY

Please enter your comment!
Please enter your name here