Moonkundathana na Stigga Ketjijere

0
136

Kapteina gwo Brave Warriors Ronald “Stigga” Ketjiejere (RK) , okwa indile aadhanitanga ooyakwawo opo ya pungule noondunge ngele oya hala okukala yena sha uuna itaaya dhana we etanga lyokoompadhi.
Omunamimvo 28 ngoka ha dhana mokati kokapale okwa kumitha ookuume ke nosho wo aatondi ye sho a tokola okuthigapo ospana yAMATUKS moUnivesiti yaPretoria ndjoka yali hayi dhana moliha yopombanda ya South Africa .
Omvalele yaKakarara oyo yimwe mokati kaadhanitanga mboka ye shi pondola okudhana etanga omanga wo ti ilongo mounivesiti, nokwa sindana mu ayihe.
Kundana okwa popi nomudhani nguka sho a hokolola olweendo lwe moshimpungu shuudhano mbuka.

Kundana: Tu hokololela utale kombinga yomumvo gwoye gwotango moSouth African Professional Soccer League?
RK: Paku dhana etanga osha li oshipu oshoka ngame onda adhika ndi igilila nale omadhewo gopombanda pethimbo ndali handi dhanene ospana yopashigwana yo Brave Warriors. Oshikwawo omadhewo konyala oga faathana naangoka nda piti mugo pospana yandje nale yo African Stars. Bobby Samaria oye omudheuli omwaanawa oshoka owino we nomikalo ndhoka ha longitha okudhana otadhi yelekwa naandhoka dhaadheuli kaakunawe muuyuni.

Kundana : Omashongo geni wa tsakaneke ongo omukwiilongo na oto yelekanitha ngiini PSL na Namibian Premiership NPL?
RK: Opena eyooloko enene pamalongekidho osho wo omukalo gwoku longa nuudhano, omuntu owa pumbwa okukala nuukwatya wa kola, to longo shi vule pwaa shoka ho longo osho wo owuna okukala wa tala kushoka wa hala oku adha. Uudhano woliha ya South Africa owa longekidhwa nawa kombinga yokusila nawa aadhani oshimpwiyu ngele tashiya kuuwanawa waamboka osho wo okutala kutya yo oya dheuka no ye li nawa ngiini.

Kundana: Aadheuli naanawino yuuteknika ohaya longekidha ngiini ospana moluudhano?
RK: Oyena omulandu gwoku ilongekidha hagu ithanwa ompitio yuuvideo moka ongundu ayihe hayi konakona nawa uunkundi wospana ndjoka taya ka dhana nayo osho wo mpoka ospana ndjika yili hwepo nenge mpoka pena oonkondo dhayo.

Kundana: Pethimbo wa joina Amatuks, ospana oya li tayi shi enditha nawa na oya li mokati komusholondondo gwoliha. Oshike sha ningwa po sha puka sha fala sigo oko ku shuna pevi kwoklaba ndjika , ya li yina aadhani yokolela ngoye wa kwatelwamo opamwe nakatipiya gwayo omUganda Geoffrey Massa?.
RK: Ondi wete ewiliko olya ningi epuko sho lya tameke okulundulula aadheuli pethimbo ospana ya li ashike opo tayi longo noku kwatathana nawa kohi yewiliko lya Sammy Throughton. Shoka tashi uvitha nayi ooshika kutya omulanduli gwe Shaun Bartlett okwa tameke ta kaleke aadhani aanawino pondje pwaana omatompelo ga sha naashika inashi enda nawa.
Kundana : Oliha yaPSL otaku tiwa oyo yina oshimaliwa menenevi Africa ndele ngoye owa tindi oku ka dhana koospana dhimwe konima sho wa topoka na AMATUKS, wa ti oto landula eilongo lyoveta okuyeleka noku lya oshishona okuza ko PSL?
RK: Oonakunyola inaya popya mondjila shoka ngame nda ti , eeno onda li nda pewa oompito dha yooloka koospana moPSL ndele nee ngame kandali ndi ilongekidha oku ka longela oshishona okuyeleka naashoka nda hugunine okutaamba manga ndali handi dhanene Tuks.
Onda dhana mo PSL uule womimvo ne no kapena esiku nda kala nda kuutumba pondje yokapale omolwashike ngame ongomudhani ha tameke uudhano kehe ethimbo ndina oku ithanwa opo ndika tutswe kutya ohe dhana ngiini.Oshili onda li ndi uvite nayi koshinima shika onkene onda tokola ashike okugalukila kegumbo.Onda li tandi vulu okukala moSouth Africa ngele andola okwa li nda pewa oompito oombwaanawa dhina oshimaliwa oshindji, ndele shika ina shi ningwa.

LEAVE A REPLY

Please enter your comment!
Please enter your name here