Omatokolo goKabinete ga ningwa omasiku ngaka

0
146

Cabinet okazimine kutya epangelo lyoRepublika ya Namibia li tsikile oonkambadhala dhalyo oombwanawa oku kwatelamo omalongekidho gokonima yomumvo 2015 momathaneko gopashigwana genasha neyokomeho tali kalele, momitengenekwa thaneko osho wo oku soshimpwiyu opena omalutu goopalela osho wo aaniilonga niimaliwa yagwana oku adha omalalakano ngoka.

Okabinete oka koleke olopota ndjoka opamwe nomathaneko gayo ngaashi tashi landula.:

Kutya Epangelo lyoRepublika ya Namibia nali nenepeke oonkambadhala dhalyo a mokati kiilyo opo Namibia a kale ena ombelewa yopashitopolwa yoshiketha sho Green Climate Fund;

Kutya Namibia a kale a kalelwapo poshigongi shoka tashiya sho Mediator Forum, okugwedha kaahangukununi mboka yi ilongekidha okutuminwa komatumo gokukalekapo ombili. Oshigongi shika otashi longekidhwa muukumwe ko African Union, UN Women osho wo iilyolongo yi ili no yi ili nehangano okuza momasiku 13-15 Desemba 2016, mo Algiers,sha Algeria;

Kutya Uuministeli wOmakwatathano gOpaigwana nElongelokumwe wu taambathane uuyelele mbuka nomalutu gomondjila moshinima shika OMAs, noku longitha nawa etaandeleko nawa lyokatokolitho 1325 ko UN Security Commission;
Kutya Namibia a tulepo meendelelo omathaneko goonkatu dhopashigwana okutameka etulomiilonga lyaa shika;

Kutya Selma Ashipala -Musayvi ngoka oye Namibia’s Focal Point, Ambassada , a ka ye koshigongi sho National Focal Points , noku yambidhidha edhikopo lyuuhamushanga;

Kutya Namibia na tale ngele ota yambidhidha edhikopo lyuuhamushanga moku tumina omuniilonga kuuhamushanga , ngele osha pumbiwa, na kutya Namibia a kale omulongekidhi gwoshigongi shofocal point shomomumvo 2020;

Kutya Namibia a tsikile noku longekidha iilongadhalwa omumvo kehe kombinga yokatokolitho 1325 pethimbo lyoshigongi shAayehe sho UN.

Kutya Iikondo shUundjolowele nIilonga yonkalonawa, Uunamapya, Omeya nOmakuti wu tulepo Okommittee yiikondo mbika opo yi tale nkene Declaration on Antimicrobial Resistance ya guma Namibia, nonkene epangelo lya Namibia tali vulu okutsikila komeho noshinima shika.

Kutya Iikondo shUundjolowlele Niilonga yOnkalonawa naashoka shUunamapya ,Omeya nOmakuti yi kundathana noku kwatelamo iitopolwa shopaumwene nosho wo omalutu gaakwashigwana okutula po iikonga yopashigwanabo oku kondjitha elongitho nayi lyomiti dhokukondjitha oombakiteli moNamibia nomoshitopolwa.

Kutya Namibia na tsikile okukala miigongi yongundu yooMinista nenge Commonwealth Ministerial Action Group (CMAG) noku longela kumwe na Maldives oku kumika opo pu kale oonkundathana dhombili negameno.Kutya Namibia a ka kale poshigongi sho Commonwealth Ministerial Action Group muMaalitsa 2017;

Kutya Uuministeli wOmakwatathano gopaigwana nelongelokumwe wu ninge omalongekidho opo omauvaneko ngoka okufutila oshiketha sho UN Peace Building Fund,yi futwe mbala ngaashi tashi vulika.

Kutya Okommittee yoKabinete koombinga yoYiipindi nEyokomeho lyomahupilo (CCTED) yi tule po Okommitee yopauMinisteli opo yi tale osho wo oku kwashilipaleka kutya omauvaneko ngoka ga ningilwe miigongi ya ningilwa pamwe noshigongi sho Sustainable Oceans and the Blue Economy oga tulwa miilonga;

Kutya omathaneko go CCTED ga kwatelwe mo mombapila yOmulandu gwaNamibia gwIikwapondje koshikondo Shomakwatathano gOpaigwana nElongelokumwe, sha landula oshigongi shoku talulula omulandu gwopashigwana shoka sha ningilwe omasiku ngaka.
Kutya Uuministeli wOmakwatathan gopaIgwana nelongelokumwe, yi longe pamwe nepangelo lya Mauritius opo Namibia okumona oshimaliwa okuza koshiketha sho Blue Economy;

Kutya Namibia a kale a kalelwa po piigongi niiningwanima ayihe yopashitopolwa noyopaigwana mbyoka yina sha no Blue Economy.
Kutya Uuministeli wElongo Uunkulungu nOmithigululwakalo naamboka Woohi nOonzo dhomefuta wu kumike aailongi aaNamibia oku ilonga kombinga yomahupilo Omabulau nenge kombinga yiinima mbyoka yina sha nomahupilo ngoka.

Kutya Omupevi Minista onkuluntu noMinista yomakwatathano gopaigwana nelongelokumwe a kuthe ombinga momikalo dhondunge moshikonga she uliko lyomunashipundi gwo AU ngaashi sha uthwa komathaneko guuhamushanga woSADC.

Kutya Uuministeli wOmudhingoloko nOmatalelopo wu kale wa kalelwapo poshigongi oshitiyali shoongundu nenge sho (CCOP22), shoka sha ningililwe mo Marrakesh, Morocco, iiwike ya piti momwedhi gwayi.

Kutya Uuministeli wOkuhumithakomeho iikwafabulika iipindi neyokomeho lyoongeshefa dhoSME, wu longekidhe ekuthombinga lya Namibia moshigongi shomauliko 2016 haga ithanwa Global South-South Development Expo ngoka ga li ko ko Dubai mo UAE pehulilo lyaKotoba sigo opetameko lya Novomba nuumvo.

Kutya Namibia na kuthe ombinga moshigongi shiilongo 77 mo Malabo nongele otashi vulika na longekidhe omauliko giipindi taga endele pamwe noshigongi shika.

Kutya Namibia na tsikile oku kuthombinga moshigongi shoominista montokolwa yomumvo yoAnnual Article XIV kombinga yaashoka hashi ithanwa “Comprehensive- Nuclear-Test-Ban Treaty (CTBT);’’

Kutya Namibia na tsikile noku indila iilongo ayihe yina iikondjitho yolute unene iilongo ihetatu nenge (8) Annex States;
Kutya Namibia na kuthe ombinga moshigongi shoku talulula euvathano lyokungambeka eindjipalo lyiikwalute omumvo 2017 na
Kutya Omupevi Prima Minista nOminista yomakwatathano gopaigwana nelongelokumwe, ongo oshilyo shewilikongundu lyomakwatathano giigwana oyindji a longithe ompito ndjika okuhumitha kmeho okatokolitho 1325 miinyangadhalwa yi ICM.

2. EGANDJO LYEUVATHANO LI NA SHA NEKWATHELO UUNA PWA HOLOKA OSHIPONGA SHIIKWALUTE NENGE EULUMOMPUMBWE MIIKWA RADIOLOGY.: Omushangwa ogwa gandjwa ku Minista yUundjolowele nIilonga yonkalonawa.
1. Okabinete okankondopeke uuministeli mbuka opo wu gandje oombapila ndhika dhina sha neuvathano kombinga yekwatho uuna puna oshiponga shiikwalute nenge shiikwa radiologicala.osho wo.

2. Okabinete oka zimine owala opo uuministeli mbuka wu ete euvathano ndika koshigongi shOpashigwana opo ndika li ziminwe ye Namibia eli taambe noku iutha kulyo.

3. Okugandja oodokumende pamautho gokatokolwa 12(2) NOKU KOLEKA NDIKA PAUTHO LYOKATOKOLITHO 11(2) kombinga yeuvathano mokutseyitha oshiponga shiikwalute kuyele.:lya gandjwa kUuministeli wUundjolowele nIilonga yonakalonawa.
1. Okabinete oka utha opo Uuministeli wUundjolowele Niilonga yonkalo nawa wu gandje oodomende ndhoka moku iyutha keuvathano lyokulopota kuyele oshiponga shiikwalute na

2. Okabinete oka zimine euvathano ndika noku nkondopeka Uuministeli Wuundjolowele opo wu fale euvathano ndika mOshigongi shopashigwana opo li ziminwe sho oshilongo shi ninge oshilyo.

4. Okulongitha iiyenditho yomombepo yaana aantu okugamena iikwakuti osho wo okukalekapo oveta nelandulathano.: Oodokumente dha gandjwa kUuministeli wOmudhingoloko nOmatalelopo.
Okabinete okakoleke elongitho lyiitukimbepo yaana omuntu (UAV) yi vule okulongithwa mokugamena iikwakuti oshowo okukalekapo oveta nelandulathano miikunino yopashigwana yopaushitwe naapehe mpoka tapu adhika engundumano enene lyiikwakuti.

5. Euvathano okutotapo IONA SKELETON COAST TRANS-FRONTIER PARK: LYA GANDJWA kUuministeli Womidhingoloko nOmatalelopo.
1. Okabinete okazimine euvathano ndika lina okushainwa kUuministeli Womudhingoloko nOmtalelopo opo li ka shainwe moLuanda shAngola mesiku tali ka tseyithwa komeho.
2. Okabinete okatokola wo opo Namibia a tseyithe etulomiilonga lyo Iona Skeleton Coast Trans-frontier Park po Terrace Bay mo Skeleton Coast Park, konima yaa sho ndika lya shainwa nokukolekwa mo Luanda.

6. EULIKO LYIILYO YEWILIKONGUNDU LYO NEW ERA PUBLICATION: Lya gandjwa kUuministeli wUuyelele, Omakwatathano nUutechnologi.
Okabinete oka tokola euliko lyaantu taya landula mpaka okuyakula mewilikongundu lyoNew Era Publication Corporation, uule woomvula ndatu okuza mesiku lyotango lya Desemba nuumvo sigo omesiku lyotango lya Desemba 2019.

7. OMUSHANGWA HOKOLOLO GWOKOMUMVO 2015 GWO NATIONAL FISHING CORPORATION OF NAMIBIA ( FISHCOR): Gwa gandjwa kOministeli yOohi nOonzo dhomefuta
Okabinete oka taamba nokuzimina omushangwahokololo gwomumvo 2015 gwehangano lyo Namibia Fishing Corporation of Namibia (FISHCOR) noku lombwela Ominista yOohi Noonzo dhomefuta opo yi fale olopota ndjika yi ka kundathanwe mOshigongi shopashigawana.

8. ETULO POSHITAAFULA KWOMPANGO YETHANEKO LYIILANDO NIITOPOLWA YOMUMV 2016 Ya gandjwa kuMinister gwIilando neYokomeho lyokomikunda
Okabinete okagandja eziminino lyako opo Minista Gwiilando neyokomeho lyokomikunda yi tule poshitaafula ontotwaaveta yina sha Nomathaneko giilando osho wo Iitopolwa yomumvo 2016 mOshigongi shopashigwana.

LEAVE A REPLY

Please enter your comment!
Please enter your name here