Omolwashike R Kelly inee ya koNamibia

0
191

Windhoek- Uuyelele kombinga yomatompelo ngoka ga thiminike opo R Kelly omuimbi gwo RnB no sho wo soul kee ye okuimba koNamibia kau po naanaa wa yela. Oshinima shika osha dhigupaleke iilonga yaalongekidhi yokonserta ndjika opo ya vule okufatulula kutya oshike sha imbi R Kelly okuya koNamibia.

Pahapu dha gumwe gwomaalongekidhi yokonserta ndjika kohi yedhina Windhoek Draught Music festival, Suleiman Sula Kyababa gwo Namconcert, uuyelele kombinga yokwaa holoka kwa R Kelly otawu monika nuudhigu.

Moonkundathana na Kundana Sula okwa ti na yo oya tegelela omayamukulo okuza ku R Kelly nenge kewiliko lye kutya omolwashike a tokola opo kaathike we koNamibia.

Okonserta ndjika oya li ya thanekelwa okukalako momasiku 25 gomwedhi gwayi pokapale korugby ka Hage Geingob moVenduka. Okonserta ndjika oya ka lundululwa ye Namconcerts ta tseyithilwa elunduluko ndika kewiliko lya R Kelly ndyoka lya ti olya tsakanekwa komashongo ogendji gomeni. Namconcerts natango okwi ipyakidhila noonkundathana newiliko lya R Kelly, naambaka otaya ka gandja omushangwa gwiihwapo kombinga yoshinima shika mbala.

Kundana okwa uvu kutya omuimbi omuAmerica nguka okuna anuwa ookonserta odhindji mpoka a tegelelwa oku ka imba unene tuu momwedhi gwayi.

Okuza moshiwike shika ye ota ka tseyitha nokuhumitha komeho oalbuma ye ompe ndjoka yi li kohi yoshipalanyolo tashi ti “12 Night of Christmas’ oshilongadhalwa shika nguka okua tokola oku shi longa sigo omu Febuluali 2017.

Pahapu dhomuwiliki gwomakwatathano gopondje gehangano lyo Olthaver na List, Rou-Che Locke ohokwe yaalanduli ya R Kelly miigwana ayihe oya yi pombanda noonkondo iiwike ya piti. Locke okwa tindi oku tumbula kutya R Kelly okwa li ta futwa ingapi opo eye koNamibia, a ti mbuka uuyelele itaawu lombwelwa nande olye.

“Aakwashilipaleki oye na uuthemba oku tinda oku gandja uuyelele kombinga yomwaalu ngoka onkulungu tayi futwa uuna ya imba nenge ya longa shoka ya li ya tegelelwa okulonga.” Okwa ti elanditho alihe lyuutekete wokonserta ndjika olya kalekwa manga.

LEAVE A REPLY

Please enter your comment!
Please enter your name here