Omukwati weeshi oo aninga omafiku ta kongwa okwa monika

0
240

Lüderitz – Omunamido 57 Peter John Raubenheimer oo a kala ta kongwa eshi a wila mefuta pokati kaOranjemund no Lüderitz, okudja Olomakaya laya omudimba waye owa monika komatango Etivali loshivike eshi.

Otaku hokololwa nakufya, pamwe navakwao vavali vali mondjila okudja ko South Afrika oko vali vaka landa ombautu yokuyula omakolofishi. Mondjila yavo yoku eta ombautu kodoolopa oko va yambukile mo Lüderitz, otaku hokololwa ombautu yeli denga memanya ongula inene yOlomakaya tuu olo po tundi 02h00, na nakufya Raubenheimer otaku hokololwa kwa li ta kendabala opo a undule ko ombautu kemanya noku ishunifa mefuta, nokwa fenhunuka noku wila mefuta.

Ombautu oyo oya kokololwako noku etwa petuliloskepa la Lüderitz noo luhupe vavali ovo vahupamo, omutenya tuu oo woLomakaya.
Nakufya Raubenheimer oye mwene wombautu. Ooluhupe ovo vahupa mombautu ovo omunamido 47 Aldo Zane Peterson oshoyo omunamido 20 Darren Bradley Bester.

Ovo vali naye mombautu otava hokolola kutya okudja tuu eshi a wila mefuta ina vemu mona vali. Olukongo lokukonga Raubenheimer ola hovelele Olomakaya tuu oyo, vamwe oveli meembautu okudja koLüderitz , vamwe ovadja kOranjemund, omanga vamwe oveli mendagandaga lyaNAMDEB. Olukongo ola kala tali twikile omafiku aeshe oo.

Osheendo sholukongo osha waminwa ketanga lopolifi ongula yetivali vaya veli meetuwa ndele fiyo okuya komukunghulowefuta okuya lwo popepi naapo tapu udikwa pawila Raubenheimer.

Eetuwa oda shaala lela kokule oshinhano, omolwa omamanya neendudu. Osheendo osho shili kolupadi, osha kala nokukonga komukunghulo wefuta, nove ke litwa omudimba wa Raubenheimer uli mekololo lwopotundi 14h00 yomutenya. Omudimba modoolopa ya Lüderitz owafikamo lwopo tundi 16 komatango efiku tuu olo wa monika.

Nakufya Raubenheimer okwa kala omunailonga mehangano lokuyula eeshi lo Seaflower, omo a longa mo omido dihapu, nopaife okwa hangika opo ai mopendjela yokuyele.

LEAVE A REPLY

Please enter your comment!
Please enter your name here