Sila oshimpwiyu omafufu goye naMadame Shea

0
188

Otu shishi nawa kutya oku kaleka omafufu gokomutse monkalo yuundjolowele oshinakugwanithwa tashi pula iilonga. Ihe uuna omuntu wa pewa omayele nkene to ga sile oshimpwiyu nena ito ka mona oshidhigu oku shi ninga.

Ngele owuna uudhigu nomafufu goye nenge kuna ontseyo kutya ngaka ogo ludhi luni nenge ku shi kutya omagadhi geni to vulu okulongitha mugo, nena ino pumbwa okutila oshoka Madame Shea ngoka a hogolola aakalelipo yiilongomwa ye moNamibia oye eyamukulo lyoye.

Ehangano ndika lili moHong Kong sha China ohali nkondopeke aakiintu opo ya kale taya longo ya manguluka okukamula omafufu gawo yaa na uumbanda washa.

Madame Shea ehangano hali gandja omayakulo gena sha nesiloshimpwiyu lyomafufu gaaluudhe muuyuni auhe.
Ndika olya tameke tali koko tali endelele onkene pethimbo ndika olya egulula iitayi mo Namibia, South Africa naEuropa.
Iitumwa yehangano ndika Madame Shea oyo okugandja ehala mpoka aakiintu ta yi imonene iilongitho osho wo omadheulo gapumbiwa oku kala nomafufu geli muundjolowele osho wo ga nyanyukwa.

Madame Shea ongehangano lyiilongomwa yomomitse olina aakalelipo yalyo miitopolwa ayihe omulongo 14 yoshilongo mboka yena ohokwe kombinga yomafufu gawo gopaushitwe naandika ota li nkondopeke aakiintu noku ya pa oshilimbo sheitaalo kutya uuwanawa womuntu ohau monika okuza meni lye.

Aakalelipo mbaka oha ya ulike nkene sha simana oku kalekapo omafufu gena uundjolowele noku kala omuntu wo opala momutima gwoye.

Patricia Heitha, oye gumwe gwomaakalelipo ya Madame Shea eli moVenduka ngoka a ti ethigathano ndika okuhogololwa a ninge omukaleli po olya li ewanawa oku kuthwombinga.

Okwa ti okuninga omukalelipo osho oshinima shoku kala wa simanekwa mokati koyendji naashika okwe shi nyanyukilwa oshoka aluhe okuhole oku sila omafufu ge oshimpwiyu nawa.

Heitha okwa ti kashishi oshipu okukaleka omafufu geli muundjolowele onkene opo shika shi pupalekwe aakalelipo ya Madame Shea oya etwapo. “Kokutya, oshinakugwanithwa sha Madame Shea oshinene, osho okusila omafufu oshimpwiyu, oshoka otwa hala oku mona kutya omafufu goye ogena uundjolowele shili, unene tuu ngele tashiya paakiintu yaaluudhe..”

“Onga aakalelipo yehangano ndika osha simana opo tse tu kale tuna ontseyo yomafufu getu yene nosho wo ontseyo yagwana kombinga yiilongomwa ya Madame Shea opo tu kale tu shi kutya otatu yamukula ngiini ngele twa pulwa omapulo okuza kaayakulwa yetu.
Heitha okwa ti okukala omukaleli po gwa Madame Shea opena omukalo ngoka yena oku ihumbata moku kala aanashiholelwa aawanawa,noku kaleka po omuthika gwopombanda.

“No ngaashi tandi kundathanwa nangame ngeyi kandishi ashike ongame awike tandi pulwa ndele otse atuhe tatu pulwa.Atuhe otatu longo nuudhiginini opo tu gandje omayakulo geli nawa kiitopolwa hoka twa tuminwa tu ka longele” osho a ti.

Heitha okwa ti okusila omafufu oshimpwiyu kashishi uudhigu ihe okwaana uunongo osho wo iilongitho oko aluhe shimwe shomuupyakadhi wa guma esiloshimpwiyu lyomafufu.

“Oshinima kombinga yomafufu gaaluudhe oshidhigu okukundathanwa unene tuu mokati kaakiintu. Shika oshi li ngaaka unene molwashoka iikundaneki oyina egamo okuluka omafufu omaluudhe kutya omadhigu okusila oshimpwiyu.

Ongomukalelipo gwiilongomwa mbika ondi uvite kutya oshitopolwa, sho shinakugwanithwa shetu opo tu hulithe po omutalelo neitaalo ndyoka lya tala omafufu gaaluudhe kutya ogo omadhigu oku kamula noku opaleka nawa.” Heitha osho a ulike.

LEAVE A REPLY

Please enter your comment!
Please enter your name here