Miss Plus Size International oshiwike shika

0
159

Windhoek – Ethigathano etiyali lyuukadhona dhingi mboka wuna omalutu omanene no go pokati lyopashigwana, Miss Plus Size International, ota li ka ningilwa moshilongo Etitano ndika, pehala lyuunkulungu lyo Franco-Namibian Cultural Centre (FNCC).
Ethigathano lyotango lyuukadhona mbuka olyali lya ningilwa tango mo Russia, moka okakadhona dhingi okaNamibia, Martha Mwaatile kali keli sindana po.

Nuumvo aalongekidhi yoshiindingili oyali ya tseyitha kutya ethigathano etiyali otali ka ningilwa moNamibia, okugandja ompito ombwaanawa no ya manguluka opo aakadhona yomenenevi Africa, ya vule oku kutha ombinga, yo yakale yena ohokwe yomalutu gawo.

Ethigathano ndika olya totwa po ko kakadhona okaNamibia, Margaret Shivolo, ka tseyika nawa ‘Margo Rusky’ mehangano lyokweenda nuukadhona dhingi.

Margo Rusky ethigathano ndika okwe li tseyitha oshikando shotango moRussia, moka eli keilongo, pamwe noshiindingili she shotango.

Okwa ti elalakano lyoku etapo ethigathano ndika oku wete kutya osha pumbiwa oshoka aakadhona mboka yena omalutu omanene nogopokati oye wete ya patelwa pondje methigathano lyomukadhona kwaanawe.

Nuumvo aakadhona omugoyi oya hogololwa nale notaya ka kutha ombinga, mokukondjela oshikoloni shika.
Otapu ka kala ishewe omainyanyudho moongalo gakwata miiti okuza ku Vincent naFamilia Rotina.

Uutekete otau adhika kombiliha okuza koComputicket. Nomiyelo otadhi ka patuluka okuza poheyali yokomatango.

LEAVE A REPLY

Please enter your comment!
Please enter your name here