Uudhano woCricket ota wu koko moNooli

0
135

ONDANGWA-Omwaalu gwoosikola ha dhi kutha ombinga muudhano woCricket ota gu ende ta gu koko moNooli okuyelekanitha nomimvo dhapiti Pafunisia Kamati ta ti.

Pafunisia ngoka oye eli omunashipundi guudhano mbuka koNooli okwa holola enyanyu lye sho oosikola odhindji ta dhi ulike ohokwe muudhano mbuka wa kala ashike ha wu dhanwa kaatokele noosikola dhomuushimba.

Olwindji uunona wetu owa kala ashike hawu dhana omaudhano gatatu ateletika,okatanga kokoompadhi noshowo komokambamba.
Okwa ti shika osha li sheya puuyelele sho oosikola odhindji dha li dha kutha omb inga muudhano mboka wa li wa unganekwa kosikola yaShinime ehuliloshiwike lya zako.

Konyala oosikola dhi li hamano odha li dha kutha ombinga moCricket na oya li ya thigi dhimwe pondje omolwethimbo.
Okwa ti Kandjengendi Primary School nosho wo Shapwa Primary School odhimwe dhomoosikola ha dhi dhana uudhano mbuka.
Okwa ti otaya dhilaadhila opo ya ka taandeleke elaka ewaanawa kombinga yuudhano mbuka woCricket kiitopolwa yilwe ngaashi Omusati,Ohangwena nOshikoto momvula tayi ya.

LEAVE A REPLY

Please enter your comment!
Please enter your name here