Okatemba koondoongi ka faalele meso

0
256

OMUNTELE – Okanona koomvula hamano oka hulitha konima sho okatemba koondoongi moka kali taka dhana ka tenguka nokuka thenyena po. Oshiningwanima shika osha ningwa oshiwike sha ziko mOkwanza moshikandjohogololo Omuntele.
Kuuyelele mboka wa pewa Kundana kuKommisiona gopolisi gopevi moshitopolwa shaShikoto Naomi Katjiua otawu ulike kutya Kristian Kampala okwa li ta dhana mokatemba koondoongi hono keli pooha dhegumbo.

Katjiua ta ti Kampala okwa li a ningi onkambadhala a nuke mo mokatemba naasho a ka gwila pevi okatemba oko hoka okemu landulilepo etaka gwile kombanda ye. Kampala okwa hulithile poshiningwanima mpoka.

Otaku hokololwa kamatyona a adhika eli megumbo na yinakulu, naasho oshiningwanima sha ningwa omukulupe okwa adhika iipyakidhila niilonga ye megumbo, ye ta ti ngaa okatekulu ke okeli kondje yegumbo taka dhana, nani oka hulitha nale. Aakwanezimo oya tseyithilwa nale onkundana ndjika, nomakonakono gopolisi moshiningwanima shika otaga tsikile.

Moshiningwanima oshikwawo opolisi oya mangapo nokudhitika omumati goomvula 18, ngoka taku hokololwa a kwata onkonga omukiintu goomvula 42 etine lya ziko lwopotundi onti 22h00, sha ningilwa momukunda Oikunino moshitopolwa shoka.

Otaku hokololwa omulumentu ngoka, a manga nokutetamo oonguwo dhomukiintu ngoka nombele, temu thiminikile miihulo shoka shaali pahalo lye. Omukiintu okwali ta ningi oonkambadha a kuge nokuhadhukepo ashike okwa tonwa oonkondo.

Katjuia okwa yelitha kutya omakwatonkonga oga londa unene moshitopolwa shawo, nota kunkilile aakwashigwana ya yande okulonga iilonga mbyoka inaayi ukilako. Ta pula aavali momagumbo ya gandje omalongo kaanona yawo, yo ya kale kokule nomalovu niingangamithi mbyoka tayi teyapo oshigwana.

LEAVE A REPLY

Please enter your comment!
Please enter your name here