Osheenditho shOmukwetu sha thiki pOniipa

0
209

ONIIPA – Konima sho ali a uvaneke ta gandja osheenditho koshifo shOmukwetu, Abisai Nendongo okwa gwanithapo euvaneko lye ehulilo shiwike lya piti, sho eeta osheenditho shoka noku taambwako pegongalo lyaNiipa Osoondaha yayi.

Pethimbo lyedhimbuluko lyevalo lyOmukwetu Nendongo okwa uvanekele ta landa osheenditho opo aatoolinkundana yOmukwetu ya kale taya adha omahala nomahala, yo ya kwate noku toola oonkundana dha pamba ongeleka nosho wo oshigwana.

Oosheenditho shoka osha taambwa lwotango megongalo lyOniipa, mono aakwanegongalo osho wo iilyo yongerki yaELCIN ya gongala noku taambako omagano ga pewa Ongelki komunangeshefa Nendongo.

Pethimbo Nendongo a gandja osheenditho sho ISUZU okwa yelitha kutya osha kotha ooN$353 461-57, no shina nale oombapila dhasho dha gwanapo, osheenditho otashi monika shina oshihako shongerki yaELCIN, noshina onomolwa yopaumwene ya shangwa OMKWETU.

“Otwa tondoka onkugo yepongo ndjika pamwe naanegumbo lyandje, tse tu dhime woo epeya, otwa hala nokuhalelela opo tu kale tatu gandja omakwatho nomayambidhidho mpoka sha pumbiwa, tse tu kwathe ooyakwetu mboka itaaya vulu, otweya owala nena mpaka tse tu gwanithepo shoka twali twa uvaneke pethimbo lyevalo lyOmukwetu,” Nendongo a ti.

Nendongo okwa uvaneke kutya ekwatho lye ngele tashiya koshifo shOmukwetu itali hulile mpoka, ashike ota tsikile noku yambidhidha, dho oonkundana dhi kale tadhi pitithwa nawa, yo aatoolinkundana yoshifo ya kale taya adha kuukololo awuhe moshilongo.

Omuwiliki mbiisofi mongerki yaELCIN Omundohotola Shekutamba V.V Nambala pethimbo ta taambako oshipatululo shosheenditho shoka okwa pandula sho iilyo yongerki yaELCIN tayi longitha shoka ya likola opo yi gandje omakwatho kongeleka.

“Onda hala okupandula Nendongo sho inaa ndalapatela shoka ena, nokwa topola eliko lye pokati opo a kwashilipaleke kutya okwa gandja osheenditho kOmukwetu, tse ongelelo lyongerki otwa pandula no tatu halele egumbo ndika omukumo noonkondo li tsikile niilonga yalyo, lyo li kale woo lya yambekwa,” Omundohotola Nambala ati.

Amushanga nomutoolinkundana gOmukwetu Tomas Uushona okwa ti, shino enyanyu enene kuye sho oondjodhi dhoshifo tadhi tsu ethimbo kehe, ta ti elalakano lyawo oya hala opo oshifo shi kalekwe momwenyo , sho shi tsikile noku andjaganeka uuyelele mboka wa pumbiwa moshigwana.

LEAVE A REPLY

Please enter your comment!
Please enter your name here