Ovadali va pandula Nana Destiny day care

0
213

Lüderitz – Ovadali ovo hava twala ounona vavo pEndiki lo \Nana Destiny day care moLüderitz vaka mone omapukululo konima ngee vadi kofikola, ova pandula endiki eli, omolwomapukululo oo.

Ovadali ova didilika kutya omapukululo haa pewa ovana pEndiki loNana okwa eta elunduluko melihongo lomaludalo avo.
Omukwatelikomesho wEndiki Nana Destiny Day Care Peneyambeko Shatilwe okwa lombwela Kundana kutya endiki eli ola holokapo ashike konima yomudo umwe paife. Nelalakano lalo olo oku tonatela ounona okuhovela pokaana keemwedi nhatu fiyo okanona oko kena eedula nhano.

Ta tumbula kutya, elalakano lavo oku fila ounona oshisho, kutya nee omutenya, ile oufiku, shaashi opena ovadali vamwe ovo hava longo keefaablika deeshi, nomafimbo amwe ohava nangala moilonga, naavo tave li hange vehena omunhu akula meumbo ta dulu oku nangala nokanona oko, ohaka twalwa nee kEndiki eli lo Nana Destiny Day Care. ‘Otwe lilongekida oku kwafela ovadali oufiku nomutenya’.osho a udaneke.

Pendiki opo tuu opo , ohava file oshisho ounona ovo veli mee Prima fikola modoolopa. Shatilwe okwa ti ova didilika kutya ounona vamwe, shama vadi keefikola, ohava kala ashike momapandavanda tava danauka, kavena efimbo loku ke lihonga osho valongwa, noku ninga oifiilwa oyo va fiilwa kofikola, vo ovadali oveli koilonga.

Odula yoneudo ovakala nokupukulula ounona hava fikola poPrima fikola po Diaz, ovalongwa okudja pondodo yo tete fiyo ondodo onhinhano.

Shatilwe okwa tumbula kutya oshivike shadjako pendiki lavo ova etelwapo ovalongwa veli vanhe ovo vapewa omapapa eshi veshi endifa nawa mofikola.

Ota tumbula kutya ovadali vounona ovo eshi va twala ounona vavo pEndiki opo ova tumbula kutya, ovadidilika omaludalo avo ita eshi endifa nawa mofikola, nove linyolifa vakale hava mono omapukululo konima yee tundi.

Ota fatulula kutya omulongwa umwe okwali nokuli adopa pu Apilili neudo, ndele eshi a hovela okuya kEndiki eli a ka mone omapukululo , puAuguste okwa pita nawa, noshivike shaya okwa pewa epapa.

Ovalongwa ovo va mona omapapa vavali oveli mondodo onhivali, umwe okuli mondodo onhinhatu, naumwe okuli mondodo onhine.

LEAVE A REPLY

Please enter your comment!
Please enter your name here