Ovolleyball ya dhana onkandangala Nooli

0
125

ONGWEDIVA-Uudhano mboka wa li wa thigala konima yesiga ngashiingeyi otawu dhanwa koyendji moNooli pahapu dhOmunashipundi gwoVolleyball Mwita Sikopo.

Mwita okwa li etu pe iinenenima yuudhano woVolleyball mo2016 nokwa holola kutya uudhano mbuka owuli ta wu koko shili noyendji otaya ende taya hokwa uudhano mbuka esiku nesiku.

Okwa ti oosikola odhindji odha tameka okudhana uudhano mbuka, oshinima shoka sha li sha pumba moomvula dha piti, oshoka oosikola odha kala ashike ha dhi kutha ombinga metanga lyomokambamba nosho wo lyokoompadhi.

Okwa ti muule womimvo dhapiti oya li ya ningi iikonga yakwata miiti oku gandja omauyelele guudhano mbuka kaakalimo yokoNooli, naashika oshali she ya kwathele opo euveko lyoVolley li taandele lyafa epeya.

“Otwa li wo twa kwathelwa kedhikepo lyomandiki goAfrican Dream Project ngoka haga zula uunona uushona opo wu kuthe ombinga muudhano woVolley noku yapa ontseyo yopetameko omanga yeli lela pomimvo dhopetameko.

Iigwana oyindji yomuuyuni oya li wo ya wayimine iikonga yoku taandeleka elaka lyohokwe yuudhano woVolleyball noshiholelwa oshitalala oshosipana yaNdowishi ndjoka ya li ya talelepo omandiki getu gokoNooli noosikola dhilwe okuhwahwameka unene uunona uushona opo wu mone ohokwe yoVolleyball.

Omandiki ngaka mongashiingeyi ogena iitayi itatu moNooli mOshakati,Ongwediva noshowo Ondangwa, na oha ga wilikwa kaanawino muudhano mbuka.

Oliha yetu yoosipana oonene oya koka noonkondo na oha yi nana aatali koombinga ne dhoNooli. Omumvo 2016 sho gu li poku kadhilongela otwa hala oku komba kombunda ayehe mboka ya li ya kwathele mekoko, lyomaudhano, onkene otu uvite ota mu ka tsikila noonkondo nomomumvo tuuka Mwita ta ti.

Ewiliko lyoVolleyball ota li ka tsikila nuupenda oku ku etela natango omaudhano ngaka kagena omayehamo ogendji, nomomvula twa thinda 2017.

LEAVE A REPLY

Please enter your comment!
Please enter your name here