Oimbuluma moLüderitz oya shuna pedu

0
128

Lüderitz – Oimbuluma modoolopa ya Lüderitz otai monika ya shuna pedu odula yo neudo, oku yelekanifa nodula oyo yaya. Omukulunhu wopolifi mo Lüderitz Chief Inspector Paulus Hamupolo okwa lopota kutya oimbuluma ikenyeneka oyo hai lopotwa unene modoolopa, ongaashi okulidenga, oumbudi wokuteya omaumbo, omahepekafano omomaumbo, nelongifo loingangamifi, oshoyo ekwatonghonga.

Pauyelele oo wa yandjwa komukulunhu wopolifi mo Lüderitz otau ti kutya, okwa didilikwa elongifo nai lomalodu, noingagamafi, oyo hai etifa unene ominyonena dikenyeneka odo hadi lopototwa luhapu ngaa shi okulidenga, nomahepekafano omomaumbo, oshoyo ekwatonghonga. Okwa didilikwa yoo ovakulunhu tavai momilele nounona ovo vena eedula dishona lela, osho Chief Inspector Hamupolo, a tumbula kutya oukwatya watya ngaha ouli ongekwatonghonga.

Ta tumbula kutya omalopoto a tya ngaha ihaa fiki kombelewa yopolifi pefimbo, shaashi ovadali ihava kala va didilika oshinima eshi, oha shika holoka ashike eshi okanona kaninga eteelelo.

Odula yo neudo okwa lopotwa ounona veli va 3 veedula dinini lela vapewa omadimo kovalumenhu vakula.
Olopota hailopotwa luhapu popolifi mo Lüderitz oyo yo ye ameno (Protection Order). Ovanhu vahapu ohava ka ninga eindilo kopolifi, ovo veli pamwe ongomulumenhu nomukainhu, ovo vewete kutya kave uditafane vali, ngaashi shali petameko. Ohava kapula eameno kopolifi opo va kalafane kokule, ku kelelwe omahepekanafo nominyonena dawedwapo.

Momhito eyi Hamupolo okwa kunghilila ovakalimo vomodoolopa, opo vakale va angala eengangala unene tuu pefimbio eli lokuya pehulilo lodula. Ta tumbula kutya ookalyamupombo itava kofa, otava dilaadila ngheve vena oku vakapo omaliko ovanhu pefimbo eli. Okwa indila ovashingi, vakale nokupata eetuwa davo, voo va hafiye omaliko avo meetuwa ngee tava dimo, ku keelelwe eetuwa davo diha dengwe omakende, opo eengangala dikufemo omaliko oo eli mo tuwa.

Omaumbo naakale meameno, kwaava tai komafudo, vashiivifile ovashiinda, opo vakale noku tonatela omaumbo, ku keelelwe eteyo lomaumbo. Olopota ei oya yandjwa komukulunhu wopolifi Chief Inspector Paulus Hamupolo, pefimbo lo mutumba wali ko Lüderitz Nest Hotel oshivike shaya. Omutumba owa unganekwa ku Kansela woshikandjohoololwa sha !Nami#nus, Jan Scholtz, omo oikondo aishe moshikandjohoololwa ya li ya ongala, noku tala kwaasho shalongwa po momukokomoko wodula 2016.

LEAVE A REPLY

Please enter your comment!
Please enter your name here