Debmarine a galulile uudhano koshigwana

0
84

KuShipi Elago

OSHAKATI- Aaholi yokatanga kokoompadhi kaleni mu uvite nawa oshoka ehangano lyo Debmarine olya tulapo oshimaliwa okukwashilipaleka ekopi lya NFA ndyoka lya tegelelwa li ka dhanwe koosipana 32 moshilongo.

Edhingoloko lyotango lyuudhano mbuka ota li ka dhanwa mehuliloshiwike lyo 11 Februali 2017 koosipana dhoSecond Division noFirst Division miitopolwa 14 yomoshilongo.

Uudhano mbuka otawu ka dhanwa moongundu dhili ndatu, ongundu yotango oosipana dhomiitopolwa 14 yoshilongo, aasindani yomiitopolwa 14 yoshilongo otaya ka taalelathana opo ku tothwemo ngoka ta kaya kedhingoloko etitatu okuwayimina oosipana 16 hadhi dhana moliha yopombanda.

Omunambelewa gwoNFA mOshana Sam Nekwaya okwa li a holola kutya “Ekopi ndika olyeya pethimbo ewaanawa unene tuu sho okatanga kokoompadhi ka adhikwa ta ka hala okusa omolwa aakwashilipaleki mboka yaa po.

Onkene ota kombo kombunda ewiliko lya Debmarine oshoka olya kutha okatanga kokoompadhi muupyakadhi, nekwashilipaleko ndyoka tali ka kutha uule womimvo ndatu okuza nuumvo.

Uudhano mbuka otawu ka eta enyanyu enene kiipala yaaholi yomaudhano nosho wo yaadhani mboka ya kala konyala uule woomweedhi hetatu inaya thanga etanga.

Nekwaya okwa li wo a tseyithile Kundana kutya oya tameka nomaishangitho gaadhani nelalakano oku ilongekidhila oliha ndjoka taku tengenekwa kutya otashi vulika yi ka tameke konima yekopi ndika ashike nando ongawo oosipana ina dhi pewa natango esiku kutya oliha otayi tameke uunake.

LEAVE A REPLY

Please enter your comment!
Please enter your name here