Harders Cup otalika danwa oshikando shotete moLüderitz

0
97

KuTuulikki Abraham

Lüderitz – Ekopi lo Harders Cup otali ka danwa oshikando sho tete neudo modoolopa yaLüderitz.
Eshi osha shiivifwa ku Tim Ekandjo odalele ya Lüderitz nokuli omuunganeki wekopi loHarders, olo a tumbula kutya otali ka danwa neudo mo doolopa yokomunghulofuta okudja omafiku eshi taa ka kala 25 – 26 March 2017.

Eshiivifo loudano ou ola ningwa ohani ya ya, la ningilwa mosaala yaBenguela moLüderitz, omo ovakalimo vomoshilando vali va ongala opo va ninge eendobwedi deshiivifo loudano wekopi loHarders.

Ekandjo okwa shiivifa kutya oudano wa fanekwa tau ka danwa mokukondjela ekopi eli owetanga lokeemhadi (soccer), nokwa teelelwa omalihafifo mahapu, ngaashi ovashiki veengalo va yooloka okudja meni loshilongo, nopoushiinda po South Africa ta ve ke uya mo Lüderitz ehuliloshivike olo lo 25 March 2017, opo ve uye va shambule ovakalimo va mo.

Ovakalimo vomo Lüderitz okwa teelelwa tava ka tala oudano oshali okuya pokapale ketanga, opo itapa ka pulwa nande oshimaliwa shasha, oshoyo oku ka pwilikina ovashikingalo ovo tave ke uya okushika eengalo mehulilo shivike tuu olo, ou to ka pwilikina ito pumbwa okufuta nande osha, Ekandjo osho a shiivifa.

Eespana detanga lokeemhadi (osoccer) hamano domodoolopa odo da teelelwa di ka kufe ombinga mefiyafano eli.
Ospana ei tai findana po ekopi lo Harders oshikando sho tete mondjokonona otai ka pewa N$100 000, nospana ei tai ke uya ponhomola onhivali otai ka pewa N$50 000, nospana oyo tai ke uya ponhomola onhinhatu, otai ka pandulwa nokapandi keeN$20 000. Ospana keshe tai ka kufa ombinga otai keli nyolifa nee N$5000.

Okwa fanekwa omalihafifo aeshe aa opavali taa ka longifa oshimaliwa shifike N$695 000, naasho sha ongelwa po fiyo opapa oshifike N$430 000, osho Ekandjo a pandula unene komahangano oshoyo ovanangeshefa, ovo va yambidida moku etapo oshimaliwa osho N$435 000, osho shi li nale mombaanga kevalulo lo Harders Cup.

Omahangano oo a vatela o Namdeb/Debmarine, a yandja N$100 000, Standard Bank N$100 000, Tafel Larger N$100 000, Profile Investment N$60 000, Seaflower Group N$50 000, Marco Fishing N$10 000 , Naftal Trading N$10 000 , na Ricky Hameva Properties N$5000.

Ekandjo okwa indila omahangano oo inaa kufa ombinga opo a yambidide me kopi eli lo Harders opo ku hangike omwaalu oo wa fanekwa.

Harders oshi oyo hai yulwa mefuta la Lüderitz, unene kovanhu paumwene noku landifwa momalukanda, omo doolopa oyo.

 

LEAVE A REPLY

Please enter your comment!
Please enter your name here