Namibia Music website ya gongele oyendji

0
123

KuPinehas Nakaziko

Windhoek- Omusika yaNamibia otayi ka adha aapulakeni yawo oyendji meni nopondje yoshilongo okupitila momakwatathano gopashinanena ga Namibia-Music website, ndika ehala lyopashinanena lya tungwapo okuhumitha komeho iitalendi yopamusiki yaaNamibia.

Pahapu dha gumwe gwaatoti yehala ndika, Yemen Saunders Jumah,ngoka a tseyika nawa Yem Jay, uuyuni otawu ende wu uka komeho pauteknologi, yo aantu muuyuni ohaya kala ethimbo ele mekwatathano lyopaintanet, onkene ehala ndika lyokointanet otali pe aahikingalo ompito yoku uvika muuyuni auhe osho wo oku adha aapulakeni oyendji.

Yem Jay okwa ti ehala ndika otali gandja wo ompito kwaamboka ye na iitalendi yuunkulungu ya Namibia opo mbaka ya vule oku itseyitha opo ya tseyike.

“Elalakano lyetu olyo oku eta puuyelele iitalendi yaaNamibia mbyoka ya holama osho wo oku tula omusika yaNamibia momeho nomomakutsi giigwana yomuuyuni. Oshikwawo otatu humitha komeho ekwatathano pokati kaahikingalo naayambidhidhi yawo noku dhana onkandangala onene moshimpungu shomusiki moNamibia” Yem Jay osho a ti.

Epandja ndika nando olya tseyithilwe muKotoba 2015 ku Yem Jay, omunongo miikwakompiuta osho wo moku hololapo sha na Matthias Chitalu, omuhololipo gomahala go intaneta , ehala ndika olya tameke ashike okutseyika nawa mokati komumvo-2016.
Nuumvo aatotipo yehala ndika otaya longo nuudhiginini oku soshimpwiyu kutya ehala lyo intanet ndika olya taambwako nawa unene pomuthika gwopauyuni.

Yem Jay okwa ti ehala ndika olyo uupitilo woku kwatakanitha aahikingalo naayambidhidhi yawo osho wo etsakaneno mpoka aahikingalo naaholi yoongalo taya taambathana omusika. Pethimbo ndika ehala ndika olili mewiliko nomelelo lyaamboka ye li toto po na otali longo moku humitha komeho aahikingalo.

Molwashoka mbaka oyu uvite kutya ha iiyimbo ayihe hayi vulu oku gandjwa koosasiona dhoradio omolwa omautho gontumba nogongandi.Mbaka otaya longitha ointanet okuhenuka iiyimbi mbyoka noku tsikila taya yambidhidha omusiki yomoshilongo pamukalo nguka.

Ehala ndika ohali tula omusika yaahikingalo aaNamibia moshilongo ashihe mointanet itaaya futu sha. Mehala ndika aalongithi mbaka otaya vulu oku kutha uuyelele woongalo ooyimwe okuza kaahikingalo oku humitha komeho ooalbuma. Aalongithi yehala ndika otaya vulu wo okutala uuvideo womusiki osho wo oonkundana niinima yopethimbo ndika.

“Opo pu kale eyooloko pokati kongushu nuuwindji woshikalimo shoka sha gandjwa kaahikingalo, oshikalimo ohashi tumwa okupitila mo e-mail kewiliko ndyoka hali koleke noku tala ongushu ya yo osho wo okusoshimpwiyu kutya oshikalimo oshi li nawa na otashi vulu okulongithwa kaantu yommapipi agehe”, Yem Jay a fatulula.

Okwa ti ehala ndika uuwanawa walyo oomboka kutya epu okulongithwa na otali vulu okulongithwa nawa komuntu kehe shi ikwatelela komithika dho ntseyo yawo yuuteknologi osho wo uunona. Ota ti omaimbilo otaga tulwa pehala ngaashi tali adhika (http://www.namibia-music.com/).

Oshikwayo ehala ndika otali shonopeke omwaka ngoka guli pokati kaahikingalo-naayambidhidhi yawo. “Ongundu yetu otayi longo nuudhiginini esiku kehe okutala kutya ehala ndika otali longitha uuteknologi wopethimbi ndika. Ehala ndika otali gandja wo ompito kaaNamibia mboka ye li pondje yoshilongo opo ya vule okupulakena omusiki ya Namibia,” osho Yem Jay.

LEAVE A REPLY

Please enter your comment!
Please enter your name here