Ongwediva SP nuudhano woAteletika

0
111

KuShipi Elago

ONGWEDIVA-Oshikako shotango shosikola osha tseyika nawa nuudhano woateletika mokalindeli koNSSU(Namibia School Sport Union) noosikola odhindji odhi ipyakidhila noku ninga omalongekidho opo dhi upike oosipana ndhoka ta dhi ka kalelapo oosikola dhawo.

Ongwediva SP oyo yimwe yoomoosikola moNooli hayi shi enditha nawa muudhano woateletika no hayi kala nomwaalu omunene gwaanona mboka haya kalelepo oshitopolwa shaShana, pahapu dha Iiyambo Remigius omukwateli komeho gwomaudhano pOngwediva Junior Secondary School.

Etitano lyaziko Osikola ndjika oya li ya ngundumana pokapale komaudhano kOngwediva onkulu okuninga ethigathano lyoateletika yoposikola, moka uunona woposikola mpoka wa li ta wu ningi sha namutango pu talike mboka taya ka kalelapo osikola yawo komathigathanao go pa ikandjolongo ngoka ge liko Olyomakaya ndjika poIndependence Stadium mOshakati.

Iiyambo okwa ti uunona woposikola yawo olwindji ohau ningi nawa miinano ngaashi 100m, 400m no 1500m.
Uunona kauna natango ohokwe oku kutha ombinga muudhano hau ningilwa meni lyokapale ngaashi okunuka,(long /High Jump) okuumba ondjundo,(shot put) nosho wo okuumba egonga (javeline).

Iiyambo okwa ti ohaya longo nuudhiginini okupitila mootundi dhoshilongwa sho Physical Education opo ya longe uunona oompango dho Atletika nomaudhano galwe.

“Uunona owuna ohokwe oku kutha ombinga momaudhano nando iikwathithi yomaudhano oyi li ta yi kanda omapuntya”,Iiyambo ta ti. Nando omutenya ogwa li shili ta gu pula kolutu aamati naakadhona yOngwediva SP oya li shili taya matuka nuudhiginini, onkene oosikola ndhoka tadhi kutha ombinga muudhano wiikandjo longo ongula nadhi kale dha manga sha pama oshoka Ongwediva SP oya tokola otoko.

Iiyambo ngoka eli wo mewiliko lyaNSSU okwa ti ongula oosikola dhomiikandjolongo ngaashi Ompundja nOshakati otadhi ka kutha ombinga moAteletika.

LEAVE A REPLY

Please enter your comment!
Please enter your name here