Tseya aadhanitanga yoshilongo shoye: Erastus Kashuna

0
323

KuShipi Elago

OGONGO-Namibia okuna konyala omwaalu gwaa dhanitanga guthike lwopo 300 mboka haya dhana moliha yopombanda, ashike omupya omunene oyendji yomaadhani mbaka kaye shiwike.

Kundana okwa li a yi moonkundathana naErastus Kashuna omudhani gwoYoung Chiefs mOshakati nelalakano opo oshigwana shi tseye aadhanitanga yasho, ngaashi naanaa shishi aadhani yokondje yoshilongo.

Omunamimvo 26 Erastus Kashuna omvalele yaGongo moshitopolwa shaMusati noku li omulongisikola keithano.
Kashuna okwa tameka okudhana okatanga kokoompadhi mo 2007 konima sho Wise Academy yomOgongo ya li ya dhimbulula oshitalenti she shetanga.

Kashuna moWise Academy ina kalamo ethimbo ele oshoka okwa li a landwa po kosipana yoFuture Football Club yomOgongo moka ali a tameke okudhana ongomudhani gwomokati kokapale.

MoFuture FC okwa li a endemo oomwele dhamutenga oshoka UNAM Ogongo okwa li e mupe okondalaka .
Erastus oye gumwe gwomaadhani ya li ya kwathele osipana yo UNAM okuya koFirst Division omanga Osipana yoYoung Chiefs inaayi mu landako yo yi mu ete kOshakati hoka eli hadhana ngashiingeyi.

Kashuna okwa li eya koYoung Chiefs pethimbo mpoka Young Chiefs a li molugodhi okuya koPremier league na oyo aadhani mboka ya li ya ningi ondjokonona okufala osipana yo Young Chiefs koPremier League oshikando shotango.

“Ondi hole okudhana komeho tandi zilile mokati kokapale, ashike konyala kapena ehala ihaa ndi dhana mokapale oshoka oha ndi vulu wo okuponoka tandi zilile komusinda nosho tuu”, Kashuna ta ti.

Onda putuka ndi hole osipana yoShakati City oshoka oyo ashike twa kala tu shi kiitopolwa yokoNooli yo oya kala hayi dhana etanga ewanawa.

“Etumwalaka lyandje kaa dhanitanga yakwetu olyo ndyoka kutya naya ikaleke kokule niingangamithi naya kale yena evuliko, opo ashike taya vulu okukala ya mona iiyimati iiwanawa momaudhano”, Kashuna ta ti.

Kashuna oha yambidhidha osipana yOrlando Pirates ya South Africa noManchester United yaEngland.
Ashike ondi hole okutala oosipana oonkwawo dhomuuyuni nelalakano opo ndi humithe komeho ontseyo yandje.
Kashuna okuli natango omudhani gwoYoung Chiefs na oye gumwe gwomaadhani ye li 300 mboka ya gumwa koshinima shokatanga kokoompadhi moshilongo.

LEAVE A REPLY

Please enter your comment!
Please enter your name here