TUYENI KOLUPALE LA TUYENI: Mbela mo2030 ombili yetu moNamibia omo tuu i li?

0
163

Shiwana shaNamibia, opo muli omuli tuu nawa amushe?
Vamwe vo moshilongo efimbo tava ka lesha omushangwa ou, ota ve ke lipula ngaha kutya napamwe okaana oka hala okutu shingila oita keiwete ili komesho”vo vamwe ta ve lipula noitya ei ya kala ha i longifwa kovakulu vo nale kutya, sha weda ombwena oshauka nale meumbo ngaho.

Ashike ame omalipulo ange nomadiladilo hako nande a uka oko tamu lipula, ndele onda hala ngo ndimu shingile noku mu twala kombili yomoshilongo ei oyo mwafa mwa ninga omutondi weni mefimbo lopaife ngaha.

Hano ombili oina ne okutamekela peni ?
Na oshike wa hala omukunda apa hodi pakale pena ombili ngeenge mboli nena meumbo leni naave omu hodi kamuna ombili nande nande, ovaleli voshilongo otava kala vena ombili ngaipi ngeenge mboli noshiwana moshilongo ombili oya lundalala.
Ova shiivi nawa moAfrica otava popi kutya, ombili yo ilongo ya Africa oya kala hai nyonwapo kova Europa molwaashi ovo va kala have tu shingile oita oufiku nomutenya, tave tu longo eepolotika odo she kwali tu heshi nokonima ava ngeenge vai koilongo yavo nomaliko avo, she hatu li tanaukilepo vali.

Ombili yoovene oshinima sha fimana mounyuni aushe, yo navali ohai pange oipute yomakwelunyuna kutya nee oshikale sha mbwenga shifike peni, osheshi alushe konima yokuxulifapo oita keshe moshilongo mwali oita ilo omapiiyaano opamihoko, ohaku shikula ombili.
Shimwe shomoilongo ya Afrika shili pomufika wopombada molwa ombili” oNamibia, mbela enyamukulo eli  otali monika ngaipi kutya oshili olo lili mondjila, vamwe otava popi kutya eshi oshi li nale pouyeelele nghe eshi tashi monika eshi ova Africa vamwe no va Europa veli manga oukuni kumwe tava mbolokele ko Namibia.

ashike natango onda hala okumu dimbulukifa ngaha kutya, omishangwa dimwe mounyuni otadi popi kutya, ombili oya kwata kanifwa kumwe nondjiipangela molwaashi oshilongo keshe shina ombili, oko haku mono omito okuka hondama eengangala eembudi odo da kala da konghola koilongo yavo ilo tutye da kenyananwa nale koshiwana shaako.

Hano mboli ngeenge ne omishangwa odo tadi popi kutya vamwe otava ti ombili kaili dule nokulikwatela”oshilongo shetu sha Namibia keedula dokomeshi otashi ka kala ne shi li ngaipi mboli, ngeenge vamwe ava tava li oivelelwa membiya koilongo yavo ohaveya okuhondama kuNamibia?

Ashike ame ondili mepupi leedula dishona, ndele naame ohandi hale ngo okushipopila noku shikalelapo kutya” ombili oya kwatakanifwa kumwe noku liningila eshi wa hala, molwaashi moshilongo shetu omu efimbo linya kwali muna oita”kakwali naana tamu monika ovadjailongo vahapu ngaashi omefimbo lopaife ngaha.

Paife ne she ongo ova Namibia, otuna nee okukwatelapo ombili yomoshilongo shetu ngaipi hano, molwaashi vamwe otava popi kutya”ombili moshilongo shetu otaitewapo kopolotika vo vamwe tava ti vali”va ti ombili yomoshilongo shetu otaikanifwapo keengeleka, omanga oshiwana sha Namibia shimwe tashi lipula ngaha kutya”ombili ohakanifwapo koikolwifa.

Ashike oinima imwe ota i ku pe omanyamukulo ngo eli mondjila, molwaashi ova Namibia ohava kanifa ombili diva vo ovena oluhoko ilo tutye olwaambo, nongeenge ova ningafana nai ponhele yokulipa ombili”ohava ka popila vali koikololo tave li lombwele nokulipula kutya, ino mona eshi ndemu ninga ne? Paife oshili ombili owa teelela i ka dje nee vali peni opo ngaho?

Kamu hole oshili tai popiwa ndishi, vamwe vomovaleli ilo ovakomesho moshilongo ohava kala tava nyanafana koikundaneki pamishangwa opo omahokololo avo oo va ningafana nai ashivike koshiwana nomoshilongo ashishe, ashike omito yavo yokukwatafana pangodi nokulipa ombili opo ili , omanga ovalelwa moshilongo inava uda po sha nokuli.

Ngeenge ne owa hala okukala una ombili, shoovene  kasha djuu nande, ashike ombili oyo wa hala ulongife nai tamekele nee apa ho kala, nge meumbo leni” ilo koilonga oku ho longele, imwe yomwaai hai kanifapo ombili ongaashi ei, oupote wee hena eembiliki, okukwatakanifa eendaka we di lombwelwa ku felende yoye, mwakwatelwa yo nolwaambo okupopila ovanhu koikololo hano, kotokela imwe yomwaai.

Ashike ovakomesho  mwakwatelwa novaleli vamwe moshilongo, nave lilonge okukwatelapo ombili, osheshi omalipumo mumwe amwe haa kala ta eli nyenge moshilongo, ohaakala ekwetelwe komesho kovakomesho, nokonima ava ngeenge vamono kutya osha piyaana, vo tava hondama moikefa yeedi vafa havo ve di shi nawa.

Namibia yee mwene oshilongo sha manguluka shina ombili, ashike emanguluko eli vamwe moshilongo omu ovadimbwa nale kutya oshapula eemwenyo dovanhu vafa edu vafya opo tu mone ombili, oshikwawo, vamwe vomwaavo kwali tava kolonyeke oshilongo eshi natango omo veli omu tuli pamwe navo nombili.

Oilongo ihapu moAfrica, ovakolonyeki ova tewa tewa needelela dili peke ina va djala, inatu dina okutumbula ngaashi o Zimbabwe oo eli popepi nafye opo, ashike ngaashi enyamukulo la Zimbabwe ota shi ku pe kutya ombili oshinima shiwa ilo okutulapo ombili nomunaita kwali naave oshina oshilonga kombinga imwe.

Naku ponokela oshilongo sheni ita shi ti ota dulu okuninga omutondi woye fiyo alushe, ndele ota ka dula yo okukaninga kaume koye kopofingo ye eku longe shimwe monghalamwenyo ha shishiva ove weehe shishi nande nande, osheshi ito dulu okutaataya omunhu te kulongo okushinga otuwa omanga ove inoo shiiva okushinga natango, ngaho owelika koshitai wa londako nale.

Ombili nai pangele, ou te kutuku ove ino tukana vali kuye ou te ku denge ove ino tameka vali to denge, ou inAa hala okukupopifa, ove mupopifa mokule opo wa halandep o noku kufapo omatimba aye oo ta ningi, ngeenge omwa tangunine onghela, monena eshi tamu shakene kaleni tamu yolo, nokulipula yo kutya mboli oinima yonghela oyafa oukolwe, ou oo uli kaume ka saatana efimbo alishe.

JONH YA TUYENI
MRTUYENI76@GMAILA

LEAVE A REPLY

Please enter your comment!
Please enter your name here