Uudhano wosoka pOshali

0
74

KuSakaria Kadhikwa

Ondangwa- Ompumbwe yuupale wetanga lyokoompadhi momikunda ngaashi Oshali moshikandjohogololo Olukonda ina yi sitha aagundjuka yomomukunda nguka uunye okudhana etanga lyokoompadhi.

Aagundjuka mbaka oya ulike ohokwe yawo sho haya dhana etanga lyokoompadhi komatango gosoondaha kehe pokapale kawo ketanga nonando haka ina ka silwa naanaa oshimpwiyu.

Kundana okwa li aadha oospana mbali tadhi dhana pokapale haka pethimbo lyefudho lyomatango omanene.
Oospana Tuyakula yomOshali nOniimbwele yomomukunda Oniimbwele odho dhali tadhi kondjithathana esiku ndyoka. Uudhano nonando ka wa li tawu kondjele oshindji ospana kehe oya li kambadhala oku adha esindano.

Pehulilo lyuudhano ospana Tuyakula oya tulamo ookoola mbali omanga ospana yokOniimbwele ya tulamo ookoola hamano nongeyi oya longo Tuyakula oshilongwa nkene uudhano hawu dhanwa.

Ospana yokOniimbwele oya pelwe N$100-00 omolwesindano lyayo.
“ Oha tu dhana etanga lyokoompadhi komatango goSoondaha kehe, ndele ihatu shi ningi ando opo tu thigathanepo ihe ohatu shi ningi ashike opo tu iyuvithe nawa noku ikaleka kokule niinima iiwinayi” osho gumwe gwomiilyo yospana Tuyakula a ti.

Nonando oospana ndhika ohadhi nyanyukilwa okudhana ngaaka odha taalela eshongo enene molupe luumbindja woku dhanitha. Ompumbwe yuumbindja oyi li po moospana ndhika oshoka uuna dha pewa uumbindja, wumwe ohawu yiwa nawo kaadhani mboka ya thigipo oospana nenge mboka ya koko yo iha ye wu shunitha kospana.

LEAVE A REPLY

Please enter your comment!
Please enter your name here