Va hanga omakipa omunhu peumbo lavo

0
322

KuHelvy Shaanika

Ofamili imwe moshitukulwa shaNgwediva oya li ya haluka eshi ve li twa momakipa omunhu pomunghulo neumbo lavo.
Ovaneumbo ovo oveli twa oipongolo ei omanga ovanhu tava fe omukangha wokutunga ongadjo yeumbo, ove a hanga pamwe noukangwa voitoo, noshikafa shoshinamwenyo.

Omakipa otaa monika a kala po eedula dihapu notashi dulika opo vea hanga eshi va ninga po eumbo lavo eedula 33 daka pita. Otaku tengenekwa kutya mekove omo tuu omo omwa pakwa ovanhu aveshe vane, ashike umwe ashike kushivike apa pena ombila yaye.
Kouyelele oo wa yandjwa meme Helena Heita, ye nomusamane waye David Gabriel Mumwoye ova dika eumbo lavo pOikango popepi nOngwediva mo 1983.

Ashike ova kala veshi kutya mekove lavo omuna ombila yomunhu haku tiwa Shipanga oo vati naye a li oye mwene weumbo omanga inave ya mo.

“Otwa lombwelwa ngaho kutya omanga Shipange ine ya mo, eumbo tete ola li la Dimbuka, ashike Dimbuka katu shi nee kutya okwa li a pakwa peni,” meme Helena ta ti.

Kakele kooShipanga naDimbuka, otaku fekelwa kutya mekove laMumwoye omuna vali omaendo ovanhu vamwe vavali navo vali oovene valo, ashike kave shivike apa va pakwa.

Warrant Tomas Aiyambo oo eli omupopiliko wopolifi mOshana okwa koleka ouyelele oo.
“Nale ovanhu ovali hava pakwa moyuunda, ohatu fekele ashike kutya na nakufya ou okwa li a pakwa moshuunda,” Aiyambo ta ti. Oikangwa nombadwa yoshinamwenyo oyo ya hangika pamwe nomakipa ota i ulike kutya elambo olo okwa li ombila shaashi ovanhu nale ovali hava pakwa noitoo, va punyangelwa moikafa.

Haiyambo ta ti paife opolifi oya teelela ashike mwene womukunda wOikango opo a kwafele opolifi mokukonga ovakwapata va nakufya oo, ye aka pakwe.

LEAVE A REPLY

Please enter your comment!
Please enter your name here