Aalongwa poskola yaAndimba oyu uvite pamwe nomulongwa omukwawo

1
273

KuMaria Namupala

ONDANGWA – Engungo lyaalongwa mosekundeskola ya Andimba Toivo ya Toivo moshikandjolongo Oluno oyali ya gongala etitano lya ziko omolwa oshiningwanima shekwatonkonga sha ningilwa omulonga omukwawo.

Otaku hokololwa omulongwa mondondo onti-12 posikola mpoka ena oomvula 18 a kwatwa koonkondo komuhingi gotaxi.
Shika osha ningwa etitatu lyoshiwike sha piti. Puuyelele mboka twa mono po otawu ulike kutya omuhingi gotaxi ndjoka okwali eya nomulongwa ngoka okuza kOngwediva ongula yesiku olyo tuu ndyoka.

Onesmus Shapopi Amunyela okwa li anuwa a pitililepo posikola mpoka ali ena okutula omulongwa ngoka, nokuya naye miihwa hono eke mu thiminikila miihulo, okwa li emu eta posikola konima sho a mana iilonga ye.

Omulongwa okwa hokolola shoka a ningilwa naalongi oya notheleko mbala opolisi ndjoka ya yi molukongo nomulumentu ngoka okwali a dhitikwa esiku olyo tuu ndyoka, a mangelwa momudhingoloko gwaNdangwa.

Aalongwa mokuuva shoka sha ningwa po oya longekidha ehololo madhiladhilo Etitano , mono ya tameke omunyanyo gwa kwatelwa komeho kopolisi yoshilongo.

Oya tamekele posikola yawo yuuka pompangulilo yaMangestrata mOndangwa hono oko ya ka gandja omukanda nyenyeto gwawo.
Mehololo madhiladhilo lyawo oyali wo ya wayi minwa kaalongi, aavali osho wo aakwashigwana mboka yeli popepi, oyendji oyali yena omapulakata taya pula omufekelwa kaaha pewe obooloha , ye a kale konima yomakumba.

Omukanda ngoka gwa leshwa komukalelipo gwaanaskola muAndimba Toivo ya Toivo ogwa indile opo Amunyela a kale mondjedhililo molwaashoka okwa longa omuyonena, nokwa tula onkalamwenyo yomulongwa ngoka a kwata koonkondo moshiponga unene.
Aanaskola taya popi kutya ngaashingeyi oyena uutile molwaashoka aahingi yuutaxi otaya longele aanona naafaalelwa yawo omiyonena.

Taya popi kutya epangelo olya pumbwa oku katuka onkatu yomeendelelo kwaamboka taya pogola moshigwana.
Omushangwa ngoka ogwali gwa taambwako kuControl Prosecutor Dollien //Gowases, ngoka a uvaneke ta ka thikitha omukanda ngoka, yo taya yamukula kokulila nomakemo gaakwashigwana.

Omufekelwa sho a holoka mompangu esiku olyo tuu ndyoka ina pewa ompito yokwiifutilamo, noshipotha she oshuundulilwa komasiku 18 Apiilili nuumvo shi gandje ompito kopolisi yi ninge omakonakono, ashike ota kala mondjedhililo sigo esiku ndyoka. Naanguka ota kala mondholongo sigo esiku ndyoka.

1 COMMENT

  1. Etokolo lyoka lya ningwa komupanguli olili lela mondjila.
    Aalongi yiimbuluma yoludhi nga nduka naakatukilwe onkatu yayaga komuntu ike lelalela.

LEAVE A REPLY

Please enter your comment!
Please enter your name here